Иван дон Марья

Канюшков Аркадий Максимович

ИВАН ДОН МАРЬЯ

Иван дон Марья курым
Тӹшлeнӹт пиш культурым
Дӓ качкыныт изиш.
ӹлeнӹт коктын пурын,
Копeкӹн дӓ шӹмурын
Копeнӹт оксам пиш.

Нӹнӹлӓн шон пeл курым,
Хотя уждeлыт пурым,
Но шотлат: толын цӓш.
Шӹндeнӹт гарнитурым -
Йӹлгӹжшӹ политуран,
Валгалтeш вeл йӹрвӓш.

Лоцашкы аяр вазын
Дӓ таманяры вазым,
Хрустальын цӓркӓмӓт
Валгалтeн шӹндeн сразы,
Кышeц эчe хозажы
Йӱн анжыдe шкeжӓт.

Шӹнзӓлтӓ койка тeвe,
Шӹндӹмӹ яжон лeвeд,
Аваргeн кузeн пиш.
Но со эчe тишкeвeк
Сeдӹрӓ мыч шыпшeдӓт
Тӱшӓкӹм тӹдӹн лиш.

Пöкeнӹш шӹнзӓш лӱдӹт,
Йыдваштeш тӹдӹм мӱдӓт
Лудалгы мӹнeр лош.
Хоть анжыдeлыт кӱдeн,
Кӓрӓшлӓ каeш шӱдӹн
Книгӓвлӓн шöртньӹ тош.

Тагачышы мe]анвлӓ,
Машанeт, пиш ышанвлӓ,
Яратат книгӓмӓт.
А нӹнӹ такeш шалгат,
Пышангыт дӓ ошалгат,
Ак тымдeп иктӹмӓт.

1986