Зэр
Jump to navigation
Jump to search
| Зэр (1914) by |
| Гижан кад: 1914, Йӧзӧдан во: 1914. Ӧшмӧс: Коми мойдан и сьылан кывъяс. Сыктывдінкар, 1914. |
Лэччышт, лэччышт, зарни зэр!
Тэнӧ корам важӧн ми;
Аддзан, кутшӧм быдтас нэр,
Шонді сотӧ быттьӧ би.
Косьмӧ турун, косьмӧ нянь,
Гажтӧм зэртӧг, сы ни садь,
Ывла буса, тыртӧм пань,
Бӧрдӧ челядь, шогсьӧ бать.
Саридз, кымӧрлы сет ва!
Талань нӧбӧд сійӧс, тӧв!
Тӧдан, судзсям ми ӧдва;
Сёйтӧг вынтӧм мӧс да йӧв.
Пемыд кымӧр ылі мун,
Вӧрӧ киссьы, нюрӧ зэр!
Талун вывті шоныд лун,
Мед оз жугӧд му-видз шер.
Ӧшкамӧшка! Матӧ лок!
Тшӧкмис войтъяс, сяргӧ вевт,
Веждӧ лудъяс, няйтчӧ кок...
Зэрышт, кымӧр, вынмӧд, зэвт!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse