Зоосиныф(шиғыр). Г.Шафиҡова

Зоосиныф ( шиғыр ) автор Г.Шафиҡова

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Зоосиныф

Айһылыуҙы айыу тиҙәр,
Даянды ҡуян тиҙәр;
Өкө тиҙәр Вәристе,
һарыҡ тиҙәр Харисты.
Шаян Нурғәли — турғай,
Айҙылман — айғыр буғай;
Ә һылыуҡай Гөлгөнә —
Күптән инде көнгөрә.
Страус бар — йүгергәндә
Барыһын да уҙыусы;
Беҙҙең синыф — зоосиныф,
Юҡ бер генә уҡыусы.
 
 

1988 йыл

---