Зивæггæнаг (Гæдиаты)

by Гæдиаты Секъа

Зивæггæнаг  (1905)  by Гæдиаты Секъа

Фыст датæ: 1905, Рауагъ аз: 1905. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

ЗИВÆГГÆНАГ

Цæмæн цæры уыцы лæг,
Адæмæн чи у даринаг, —
Æвзæр мадæй — фыдзæнæг,
Æхсæн дурæй маринаг!

Уæгъд нæ уадзы йæ базы, —
Бон-изæрмæ фæхуыссы...
Лæгау, фезмæлд нæ уарзы,
Йæ куысты сæр нæ мысы.

Стур дæр ма æфсæстæй
Барæвдауы йе 'мгары.
Æгасæй мард йæ цæстæй
Нæ фендзæни йе 'мбалы.

---