Зæрæдты сагъæс (Гæдиаты)

by Гæдиаты Секъа

Зæрæдты сагъæс  (1912)  by Гæдиаты Секъа

Фыст датæ: 1912, Рауагъ аз: 1912. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

ЗÆРÆДТЫ САГЪÆС

Хæхтæ ризынц фырмæстæй,
Бæстæ кæны лæбырдтæ:
Нæ саефт уынæм нæ цæстæй,
Ныууагътой нæ нæ фырттæ.

Фырт фыдæн мур нæ дæтты,
Нал ын фиды йæ хæрзтæ.
Рæхыстæй йæ ныббæтты,
Бахордта йын йæ бæстæ.

Фырт йæ фыдыл не 'рвæсы,
Мадæй федта йæ мæлæт.
Хæдзармæ мур не 'рхæссы,
Фæнды сыдæй ныммæлæд.

---