Еңеү көнө(шиғыр). Абдулхаҡ Игебаев

Еңеү көнө (шиғыр ) автор Абдулхаҡ Игебаев

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Еңеү көнө

 Болондарҙы күмеп майҙың
 Нәфис гөлөнә,
 Еңеү көнө балҡып килде
 Тыуған илемә!
 Тик еңеү үҙенән-үҙе
 Килмәне ергә;
 Уны яҡлап ҡаһармандар
 Көрәште бергә!
 «Мәңгелек дан!» — тигән кеүек
 Батыр халҡыма,
 Май ҡояшындай нурланып,
 Байраҡ талпына!

 

1988 йыл

---