Еникины да озаттык...

From Wikisource
Jump to navigation Jump to search
Еникины да озаттык...
Автор: Роберт Миңнуллин

Еникины да озаттык...


Әмирхан ага Еникины юксынып

Еникины да озаттык...
Дөньялар бушап калды.
Кояшлы көннәребез дә
Төннәргә охшап калды.

Еникины да озаттык...
Ә нинди көчле иде!
Арабыздан бик тиз генә
Ул китмәс төсле иде.

Еникины да озаттык…
Күңелсез, моңсу, читен.
Китеп алып китте кебек
Күңелләрнең бер читен.

Көтелмәгән югалтуга
Дөнья шул бай икән ул.
Еникины да озаттык...
Дөнья шулай икән ул.


2000