Ел һәм Наил(шиғыр). Рауил Шаммас

Ел һәм Наил (Шиғыр ) автор Рауил Шаммас

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек/ӨФө"Китап",1996 йыл

Ел һәм Наил

 Ҡайтып бара Наил мәктәбенән,
 һуғыша-һуғыша шаян ел менән.
 Ел һөйрәкләй артҡа сабыуынан,
 Йә тартҡылап ҡуя еңенән, 
Йә һыҙғыра килеп ҡолағына.
 Малай алға, артҡа әйләнә.
 Ниңә әле бөгөн ел Наилға
 Бер туҡтауһыҙ шулай бәйләнә?
Ел сыҡты ла алға йүгереп кенә
 Асып ҡуйҙы дәфтәр мөйөшөн:
 — Әһә, «ике»!
 Ах, һин ялҡау малай!
 Эшләмәгән икән өй эшен.

1996 йыл

---