Еджыд офицер

by Чисталёв Иона Тимофеевич

Синъяс — кык кольча,
Ӧгыр оз ков;
Кыскас револьвер,
Дзенгӧмысь пов:

«Мый? Коммунистъяс?!
Крест — ӧти пом!»...
Синманыс сьӧвзис,
Вӧзйис, пеж вом...

Нэм чӧжыс вӧлі
Уджавтӧг пӧт...
Ставыс друг быри —
Помасис вӧт.

Мый воши — воши,
Быть кыдзкӧ ов;
Воштантор эм на —
Пежиник лов.

Вузаліс ловсӧ —
Восьтіс ён пир;
Гудрасьӧ-киссьӧ
Винакӧд вир...

Винаӧн пӧдтӧм
Эм вежӧртор:
Петсьӧма туйӧ —
Туй пом ни дор...