Дзоля козёлъяс кӧинкӧд
| Дзоля козёлъяс кӧинкӧд (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Оліс-выліс кӧза; вӧр шӧрын керка лэптіс, дзоляяссӧ чужтіс-быдтіс. Быд лун кӧза ветлывліс сёян понда яг вылӧ. Ачыс мунас, дзоляяслы тшӧктас ёна-ёна пӧдласьны, кодлыкӧ абу восьтыны. Кӧза гортас бергӧдчас, ӧдзӧсӧ торскӧдчас, сьылас:
«Козёл ныв-пиянӧй,
Игантӧ вештӧдӧ, восьтысьӧ!
Тіян эньыд локтіс,
Йӧв вайис.
Ме, кӧзаӧй, яг вылын вӧлі,
Небыд турун сёйи,
Кӧдзыд ва юи;
Йӧв кисьтысьӧ вӧра вывті,
Вӧра вывсянь кок гыж вывті,
Кок гыж вывсянь уль му вылӧ».
Дзоляяс кывласны эньсӧ, сылы ӧдзӧс восьтасны. Сійӧ удас-вердас найӧс, сэсся мунас видзсьыны. Кӧзаӧс кӧин кывзіс; кодыр сійӧ муніс, керка ӧдзӧс дорлань кӧин воис, кыза ыджыд кыза шыӧн сьывны пондіс:
«Ті, дзоляясӧй, ті, аянӧй,
Игантӧ вештӧдӧ, восьтысьӧ!
Тіян эньыд локтіс;
Йӧв вайис...
Кок гыж тыра ва вайис!»
Дзоляяс кывзісны, сэсся шуӧны: «кылам, кылам! Энь шыӧн он сьыв: эньӧй сьылӧ вӧсниджыка, оз сідз лыддьыштлы», кӧинлы ӧдзӧс эз восьтыны. Кӧин муніс весьӧн, абу солаӧн сёйӧм бӧрын. Энь локтіс, дзоляяссӧ ошкис, мый тай найӧ кывзісны сійӧс: «Вежӧраясӧй ті, дзоляяс, мый кӧинлы эн восьтӧй; сійӧ эськӧ тіянӧс сёйис».
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse