Дзолялы

by Лыткин Георгий Степанович

Дзолялы  (1889)  by Лыткин Георгий Степанович

Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889.

Кӧнкӧ тай кылӧ воӧма
Сьӧлӧмшӧрӧй, дзоляӧй!
Мый бара тэ, дзоляӧй,
Пукалан-арталан?
Он тай тэӧй тӧд менсьым
Сир курыдӧс курдалӧмӧс,
Из чорыдӧс чордалӧмӧс.
Пидзӧс пома аканьӧй,
Ки пыдӧса чӧланӧй!
Ичӧт тай тэӧй ачыд,
Мывкыдыд нӧ ыджыд.
Мый бара тэӧй видзӧдан
Зарни лыска син пырыд?
Мый бара тэӧй кывзысян
Эзысь кытшъя пель пырыд?
Мый бара тэӧй арталан,
Ичӧт мывкыднад вежӧртан?
Мыйкӧ тай тэӧй он тӧд:
Шаньга кӧ тэныд сетасны,
Сы вылӧ тэ тай ышман
Ичӧт мывкыд вежӧрнад
Сэсся менӧ вузалан!