Джаш татарларгъа

From Wikisource
Jump to navigation Jump to search
Джаш татарларгъа  (1921) 
by Amdi Giraybay
Latin script: Caş tatarlarğa

Эй, хорлангъан, къуллыкъ эткен джигитлер, джаш татарлар!
Откъа, сувгъа, къангъа къаршы къаядай таш татарлар!
Бу фурсатта бизлер кене пармакъ тишлеп къалмайыкъ,
Халкъ сары май улешкен сонъ, бизлер торта алмайыкъ.

Биз заманны анъламасакъ, заман бизни анъламаз,
Культёбеде айтышсакъ да бизни кимсе дынъламаз.
Культёбедай куль болыр да, кокке учып кетермиз,
Иш кечкен сонъ: «Вай, шай экен» дер де, пешман этермиз.

Романовлар, Николайлар бизни джоймакъ истеди,
Авуз ачып бир сёз айтсакъ, от сачты, «сус» деди.
Татар кене тюрленмеди, алданмады, битмеди,
Бизни джоймакъ истегенлер макъсадына джетмеди.

Бу топракъ топ парчаланса, ерни джувса дерьялар,
Бутюн дюнья откъа джанса, оксюз къалса керьялар,
Бизлер кене татар болып, татар тюсли джатармыз,
Тарихларны акътардыкъмы – бу сёзлерге къанармыз.

Къошулсакъ да, чалышсакъ да, бир ишке баш болсакъ да,
Джатлар кирген къапыларгъа биз де кирип толсакъ да,
Кене ишчи, джалпакъ табан, къара татар, татармыз,
Бильмиймен мен, не куньгеджек бизлер янтыкъ сатармыз.

Ай сув джарыкъ, джол тахтадай, тюм-тюз болып тургъанда,
Халкъ джыйылып, сыр сырдашып, янъы яшав къургъанда,
Нечюн бизлер анда-мында къоркъа-пыса джуремиз,
Чалышкъангъа мыскъыл эте, я да дудакъ буремиз.

Халкъ той эте, биз саргъушмыз, юкъламагъа далгъанмыз,
Сув сыйырнынъ къаймагъындай уюшкъан да къалгъанмыз.
Козимизни джалтыратып, къалтырай да турамыз,
«Кель, аркъадаш, кель!» – деселер, бизлер четте турамыз.

Аркъадашлар! Эгер бизлер шу къусурны корьмесек,
Халкъымызчюн чалышмасакъ, джан талашып джурьмесек,–
Бизлер, сойсыз, бозукъ къанлы, атсыз, джаяв татармыз,
Чыкъалмамыз бастырыкътан, биз эбедий джатармыз.

Къатты кучьли джаш татарлар, джыйылынъыз, айдынъыз,
Демесинлер джатлар бизге: «Йыкъылдынъыз, тайдынъыз».
Къошулдыкъмы – анълашырмыз, чалышырмыз, чалышыр...
Шайте-шайте бу ишлерге алышырмыз, алышыр.

Юксельтейик бу джашлыкъны – авеленсин, айлансын,
Бутюн татар, джашы-къарты бир къазыкъкъа байлансын.
«Ай, татарлар! Сиз дюньяны джутаджакъсыз», десинлер,
Бизлер кене багъырайыкъ: "Акъкъымызны берсинлер!"

Public domain
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.


Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1930 году и был посмертно реабилитирован в 1991 году, соответственно эта работа выйдет в России в общественное достояние в 2062 году.

The author died in 1930, so this work is also in the public domain in countries and areas (outside Russia) where the copyright term is the author's life plus 80 years or less.

PD-US-1923-abroad Public domain in the United States but not in its source countries //wikisource.org/wiki/%D0%94%D0%B6%D0%B0%D1%88_%D1%82%D0%B0%D1%82%D0%B0%D1%80%D0%BB%D0%B0%D1%80%D0%B3%D1%8A%D0%B0