Гӧрд Армиялы 7 во тыран лун Мӧскуаын
| Гӧрд Армиялы 7 во тыран лун Мӧскуаын (1925) |
| Гижан кад: 1925, Йӧзӧдан во: 1925. Ӧшмӧс: Югыд туй (1925-02-24) |
Вӧскресенньӧӧ (февраль 22‐ӧд лунӧ) Красная Площадь вылын вӧлі парад. Асывводзсяньыс кутісны воавны Ленин гу дорӧ рабочӧйяслӧн делегатъяс да войска. Лун шӧр кадын (12 часын) сэтчӧ локтісны: Фрунзе (Военнӧй Народнӧй Комиссар), Бубнов (Республикаса Политуправленньӧын юралысь), Будённӧй, Уншлихт да мукӧдъяс. Войска дінті гӧгӧртігӧн Фрунзе ёрт гӧрдармеечьяслы видзис чолӧмбыттьӧ (приветствие) 7 во тыран лун кузя. Сы бӧрын войска муніс церемониальнӧй маршӧн. Трибуна вывсянь налы татшӧм чолӧмбыттьӧяс горзісны: «Кӧкъямысӧд во кежлӧ чорыдджыка топӧдчӧй рабочӧйяс крестьянакӧд!» Войскакӧд тшӧтш маршируйтісны зэв уна допризывникъяс. Кор кутісны мунны быдсяма пӧлӧс оруддьӧнас, сэки Краснӧй Площадь весьтас воисны лэбалан машинаяс — кык отряд, 19 аэроплан. Парад помасис кык часын.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- it was anonymously published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
This anonymous or pseudonymous work is also in the public domain in other countries and areas where the copyright term of anonymous or pseudonymous works is 98 years or less since publication.
Public domainPublic domainfalsefalse