Кельты, кузё, аслэсьтыд малпамдэ,
Тырмоз ни, юид куанерлэсь вирзэ!
Тон адӟид капчизэ, милем луиз секытэз,
Дыр вуиз милем но тӥ кадь ик улыны.
Тӥ улонлэсь, мар кулэ, ваньзэ басьтӥды,
Милесьтым вань улонэз зӥбыса быдтӥды.
Ми улӥм шонер, тӥ — алдаса.
Тӥляд инмарды зарни вал,
Улӥз, тӥледлы юрттыса.
Солы сюлмады вӧсяськиды,
Вань туртскемды зарни понна вал.
Милям кужымен тӥ узырмиды,
Мае ӧд кизе, сое арады.
Милемыз ранӟытӥды, сӥмес валатэк,
Соин юртмы куашказ, кужыммы сузьытэк.
Тӥ улӥды возьыттэк но оскытэк милем,
Тӥ малпады, ялан тазь улом шуса,
Ӟеч улонлэн пумыз уз лу кожаса,
Сюлмаськытэк ветлӥды, вӧй вылын уяса,
Куанер муртлэсь сильсьӧрзэ йырйыса.
Нуналыз тырмиз, пумыз вуиз ӟеч улэмдылэн.
Мар ке люкады, куанерлы сётэлэ,
Окмоз тӥлед гур вылын пукыны.
