Вӓк шолеш шӹдӹ кӧргӹштем

Арисова Людмила

Вӓк шолеш шӹдӹ кӧргӹштем,
Тенгелӓ орланенӓм.
Йӓ, ма доно келшӹделам?
Тӹнь линӓт сусум шӧрӹшӹ.
Мӹнь курым мычкы... со выченӓм,
Кӹчӓлӹн пайда лошты,
Нужда лошкат анжалын...
Но шукы вӓл кӹчӓлӹн
Вӓрештеш ыльы кашташ, ӓнят?
Тӹнь тольыц, мӹньӹм ужыц.
Ялгавал якте тӹшлен вӓк анжальыц.
Мӹнь тӹнгӹн трӱк шагальым.
Но ӹшкӹмемӹм кидӹш нӓлӹн,
Йӹрӓлтӓльӹм.
Тӹнь сӹнзӓм пытькалтальыц,
Дӓ жеп шагальы мӹлӓм.
Шаналтен вара, мӱнгӓлтен тамам,
Сӓрнӓльӹц, тагыш кешӹц.
Маклака качы кузыш логерӓнгӹш.