Час но азьлань, ортчо аръёс,
Вуко колхоз киын ужа.
Гыж-жык, гыж-жык колёсаос
Берыктӥсько, мылкыд ӵыжа.
Уй ке вуэ, сильтӧл сямен
Кутске вузыны динамо.
Выльгурт вуко Ильич тылэн
Кильтыртӥське укыр йӧно.
Ульчаын тыл, гидын но тыл,
Микол дорын шимес пеймыт.
Солэсь кылзэ тэк уд ни кыл,
Лудлэн пыдсаз пуке шыпыт.
Колхоз вуко батыр, кужмо
Трактор вайыны ваньбур кузьмаз,
Кунмылы но юрттэ уно.
Мусо йӧтэ учкын шораз.
Вуко кенос, сюлмо кӧос,
Арык, дырды… — ваньмыз чиль-дол,
Выльдӥз тае «Ӟардӥсь» колхоз.
Шуя вуко кузё Микол.
