Вуко (Ильин)

From Wikisource
Jump to navigation Jump to search
Вуко
Автор: Михаил Ильич Ильин


Вуко


Вуэд пӧзе, вуэд шаула,
Вуэд зор кадь пазяське.
Тӧдьы шукы вулэн вияз
Азвесь кадь ик адӟиське.

Бергась бадӟым колёсаос
Вуэн туж зол жугисько;
Кенос пушкын кӧ бергамъёс
Туж кыдёке кылӥсько.

Со куспын нош кенос ачиз
Куалекъям кадь сэзъяське,
Вуко кӧос бергамъёсын
Вань куара ик ӵоктаське.

Вуэд шаула, кӧэд берга,
Сускиоссэ со зол сэзъя.
Со сускиысь юэд вия,
Кӧэд сое нажгатъя.

Нажгатъя но чылкыт каре,
Тӧдьы пызен виятъя,
Виятъямез ыме-ныре
Пурӟытыса тырмытъя.