Воклы (Лыткин Георгий Степанович)
| Воклы (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Югыд шондіӧй, муса вокӧй!
Рочысь тай тэнӧ бӧрйӧма
Юклӧдлігтырйи;
Комиысь тай тэнӧ бӧрйӧма
Поткӧдлігтырйи.
Кодлы нӧ тэӧй зільсян
Гырддза выйӧныд пуджӧмӧн;
Юртӧг, бӧжтӧг чеччалан
Пидзӧс выйӧныд лэптасьӧмӧн?
Лунтыр, войтыр он узьлы, он сёйлы:
Мый бара тэныд гажыс лоӧ?
Зэв нин ӧмӧй менам, коньӧрлӧн,
Дӧзмӧдчӧма-шогдӧдчӧма?
Эн тай менӧ тэӧй кужлывлы
Тыр синнад видзӧдлыны;
Эн тай менӧ тэӧй кужлывлы
Джын нимнам чукӧстлыны.
Омӧль тай меӧй вӧлі —
Бур пыдди пуктывлін;
Омӧль тай меӧй вӧлі —
Шань пыдди лыддьывлін.
Уна тай менӧ, коньӧрӧс,
Бур выв додьнад ислӧдлін;
Уна тай менӧ, коньӧрӧс,
Сьылан-ворсан интіыс новлӧдлін.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse