Вож-вож гинэ ӝужалоз

Вож-вож гинэ ӝужалоз… Калык кырӟан

Источник: Кенеш : журнал. — 2014. — № 5—6. — 8-тӥ бам.

Вож-вож гинэ ӝужалоз…

Вож-вож гинэ ӝужалоз
Тулыс но кызьпу куар.
Со малы-о куашкалоз?
Сӥзьыл тӧллы чидатэк.

Ӵуж-ӵуж гинэ ӝужалоз
Италмас но сяськаед.
Со малы-о сьӧдэктоз?
Ӵук кезьытлы чидатэк.

Юг-юг гинэ ӝужалоз
Льӧмпу но сяськаед.
Со малы-о шуялоз?
Шунды пӧсьлы чидатэк.

Вож бадяр кадь вож мугор
Та пинал калыклэн.
Со малы-о пересьмоз?
Арлыдэзлы чидатэк.

---