Иван куное ветлэм,
Визьзэ быдтымон юэм,
Бертыса жугиськын кутскем —
Кышнозэ пуртэн бышкалтэм.
Кышноез пограм кулыса,
Визьтэм картсэ каргаса;
Нылъёсыз кышкаса пегӟиллям,
Лушкем ульчаын бӧрдӥллям.
Иванэз тюрьмае пуктӥллям,
Вылаз рестан дӥсь дӥсяллям,
Пыдъёссэ жильыен дуриллям,
«Пегӟемез медаз лу», — шуиллям.
Нылъёсыз калыке кылиллям,
Чурыт кыл кылыса ветлӥллям.
Одӥгез соосыз мыжгоз,
Мукетыз соосыз чапкоз.
Айыды тюрьмаын шуыса,
Кудӥз донгаса но лэзёз…
Озьы нылъёс калыкын будо,
Визьтэм айызэс каргало.