Вил һәм ҡуңыҙ(шиғыр). Бөрйән Байым

Вил һәм ҡуңыҙ (Шиғыр) автор Бөрйән Байым

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Вил һәм ҡуңыҙ

Вил ҡара ҡуңыҙ тапҡан,
Шырпы ҡабына япҡан.
Ҡумтала уға тығыҙ,
Эй илай бахыр ҡуңыҙ.
— Ҡайтайым,-ти,— асығыҙ,
Балаларым асыға.
Өҙөләм шуны уйлап,
Тотмағыҙ мине уйнап!
Ҡуңыҙ ялбара шулай,
Сығамын тиеп тулай.
Ә Вил бер ни уйламай,
Ҡуңыҙ телен аңламай.
 

1996 йыл

---