Викитекстъёс:Валэктонъёс

From Wikisource
Jump to navigation Jump to search

Кыӵеесь текстъёсыз та вики-проектэ пыртылыны яра?[edit]

Викитекстъёс (Wikisource) — со пӧртэм эрико текстъёслэн возён интызы. «Эрико» кыл валтӥсь луэ. Эрикоосыныз татын лыдъясько:

  1. кемала печатласькеменызы (яке мукет муген) мер ваньбуре[1] потэм текстъёс;
  2. эрико лицензия улсы поттэм текстъёс.

Озьы, та критерийёсъя али дыре тӥ татчы таӵе текстъёсыз поныны быгатӥськоды:

  • удмурт калык кырӟанъёс;
  • катъёсты но мукет кун документъёсты удмурт кылэ официальной (либо асьтэдын лэсьтэм) берыктонъёс;
  • котькуд авторлэн произведениосыз, кудъёсыз 1-тӥ январёзь 1929-тӥ арозь нырысьсэ печатламын но калыке поттэмын вал;
  • тодмотэм авторъёслэн (анонимной/псевдоанонимной) произведениоссы, кудъёсыз 1946-тӥ арлэсь азьло кытын ке печатламын вал;
  • вань произведениоссы та удмурт авторъёслэн (список ватсаськылэ):

Яра-а татчы пыртылыны мер ваньбур луымтэ текстъёсыз?[edit]

Бен. Текстты произведениослэн вылӥ возьматэм списоказы уг пыры ке (огсямен вераса, со мер ваньбур ӧвӧл луэм на), тӥ сое Викитекстъёсы поныны таки быгатӥськоды эрико лицензилэн условиосызъя. Нош со понна тӥледлы одно ик кулэ авторлэсь эрико лицензия улсы публикациен соглаш луэмзэ басьтыны но сое Викимедиа фондлы возьматыны (кылсярысь, OTRS система пыр). Сотэк тӥленыды Викитекстъёсы понэм произведение проектысь куштэмын луоз (автор правоосты тӥянэз палэнтыны понна).

Малы Удмурт Викитекстъёслэн нимаз сайтсы ӧвӧл?[edit]

Зэмен но, макем адӟиськоды, Удмурт Викитекстъёс али интыясько «огъя колхозын» мукет кылъёсын ӵош. Та «колхоз» трос кылъем Викитекстъёс (multilingual Wikisource) шуыса нимаське. Бадӟым кылъёсты нимаз поддоменъёсазы поттӥзы бере, та сайт пичи кылъёслы инкубатор луыса ужа.

Удмурт Викитекстъёслы udm.wikisource.org адресо нимаз сайтэз кылдытон уз луы капчи уж. Кылъёслы выль поддоменъёсыз кылдытъя Викимедиа фондлэн нимысьтыз ёзэсэз — Кылъёсъя комитет (англи кылын официал нимыз Language committee). Та структураен нимаз поддоменъёсы потыны медӥсь вики-проектъёслы вылӥесь куронъёс пуктэмын. Соос пӧлысь валтӥсез — олокӧня толэзь ӵоже проект бордын мыло-кыдо ужась муртъёслэн лыдзы 3 яке тросгем кулэ. Али Удмурт Викитекстъёс бордын одӥг адями гинэ тырше. Со тырмыт ӧвӧл. Викитекстъёслы нимаз сайтэ выжыны юрттэмды потэ ке, огазе кариськелэ проект бордамы!

Примечаниос[edit]

  1. англи сямен Public Domain

Озьы ик учке[edit]