Видз вылын
Jump to navigation
Jump to search
| Видз вылын (1914) by |
| Гижан кад: 1914, Йӧзӧдан во: 1914. Ӧшмӧс: Коми мойдан и сьылан кывъяс. Сыктывдінкар, 1914. |
Шонді лэччис. Регыд воймас,
Уджлы сэсся талун пом!
Дугдӧй, шойччӧй, кос ӧд доймас,
Шойччӧг колӧ, кӧть морт том.
Талун уджалім ми ёна,
Асыв ытшким, куртім луна,
Гожъя сэзь ӧд зарни дона,
Мед кӧть омӧльтчам неуна.
Видзӧд юръяс кутшӧм тшӧкыд,
Турун веж, эз войтышт зэр;
Дерт жӧ гожӧм эськӧ сьӧкыд,
Да мый керан, тэрмась, вӧр!
Турун артмас — ён шог чинӧ,
Нянь ӧд сюрӧ, сӧмын ньӧб!
Мортлы сёйны уна инӧ?
Мича турунтӧг скӧт жеб.
Пемді, воймис. Шоч нин олӧ...
Оз и аски шойччӧд лун, —
Гашкӧ зэрмас, чӧвтны колӧ,
Мудзысь шойччӧдас мед ун!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse