Колхозонь эряф/1933/05/Вете кизот социализманкса

From Wikisource
Jump to navigation Jump to search
Колхозонь эряф (1933), 5 (49) № март edited by Шестов Н. С., Порватов Т. М.
Вете кизот социализманкса
Колхозонь эряф (Колхозная жизнь). Мокшонь литературно-художественнай журнал. Нолдаец Совецкай писательень Союзонь облоргкомитець. Лисенди 6-це кизось, эрь ковти кафксть. — 5 (49) № март, 1933 к. — с. 3
 

[3]

ВЕТЕ КИЗОТ СОЦИАЛИЗМАНКСА
 

Йотась вете кизот, кода пуроптф „Колхозонь эряф“ журналсь. Тя вете кизотне арасть практическай няфтьксокс Ленинскай национальный политикать видексонцты, конань йотафнесы партиясь Сталин ялгать руководстванц ала. Вете кизот „Колхозонь эряфсь“ тюрьсь великодержавнай шовинизмать каршес, конат сембе вийса тюрьсть мокшэрзянь, формас коря национальнай и потма ширьдя социалистическай литературать келепнеманц каршес.

„Колхозонь эряф“ журналсь арась мокшонь трудяйхненди, конатнень революцияда инголя ашель художественнай валсна, вятикс од эряфть инкса тюреманкса.

Облоргкомитець „Колхозонь эряф“ журналти вете кизостонза, арьси пара вал, кода инь кемя, мокшэрзянь совецкай литературанкса тюриенди.

Журналсь общеполитическай журналста, арась художественнай журналкс. Тя, сонь шаромац, арси оцю сатфксокс мокшэрзянь литературать келептеманцты и писателень вийхнень касфнемаснонды.

Оргкомитець надияй, што журнальсь эсь вете кизостоньза — кармай тюрема сембе виензон-мархта, штоба пяшкодемс омбоцекс вете кизонь плантть программанц классфтома обществань тиема плантть пяшкодеманц инкса, велень хозяйствать кеподеманц, творческай вийхнень пуроптомаснон инкса, кармай тюрема тяда ингольдень руководствань группировкатнень каршес, кержи ширень критикать каршес.

Журналти сембе виензон мархта эряви тюремс ВКП(б)-нь ЦК-ть апрель ковонь путфксонц вельде социалистическай реализьмать инкса, кода советскай художественнай литературать основной методонц инкса.

Журналти эряви арамс массовай журналкс, миллиотт колхозниконь, рабочаень и мокшэрзянь облазень сембе трудендайхненди журналкс.

 
Советскай писателень союзонь оргкомитець.