Вельхозяйственнай артельть примернай уставоц/6
| ←V. Членствать колга | Вельхозяйственнай артельть примернай уставоц (1939) , edited by Горькин А., Лукьянов П., translated by Каргин В. VI. Артельть средстванза. |
VII. Трудть организацияц, оплатац и дисциплинац→ |
| Печатлаф: Вельхозяйственнай артельть примернай уставоц, примаф колхозниконь-ударниконь Сембесоюзнай Омбоце С‘ездса и кемокстазь СССР-нь Народнай Комиссаронь Советсь и ВКП(б)-нь ЦК-сь февральть 17-це шистонза 1935 кизоня. — Перевод В. Каргина. — Мордгиз, 1939, Саранск. — с. 22—27 |
VI.
АРТЕЛЬТЬ СРЕДСТВАНЗА.
9. Артельти сувайхне должетт каямс ярмаконь вступительнай взнос 20-ста сявомок 40 цалковайти молемс эрь дворста сянь лангс ваномок, кодама сонь хозяйстванц мощец. Вступительнай взносне путневихть артельть неделимай фондс.
10. Артелень члеттнень обобществленнай имуществаснон (рабочай жуватань, инвентарьть, хозяйственнай постройкань и ст. т.) питнеснон эзда ¼ сявомок ½ молемс путневи артельть неделимай фондс, причем неделимай капиталти сяда оцю процентонь зачислениясь применяндакшневи сяда мощнай хозяйстватненди. Имуществать ляды пяльксоц путневи артелень членть паевой взносозонза.
Артелень членть мархта, кона лисенди сонь составстонза, правлениясь тии расчет и меки макссесы паевой взносонц [ 23 ]ярмакса, причем артельста лисити может улемс максф модань надел, но аньцек аф артельть модань площаденц эзда. Расчетсь тиендеви кода правила, хозяйственнай кизоть аделамдонза меле.
11. Артельть мархта получави урожайть и животноводствань продуктатнень эзда, артельсь:
а) пяшкотькшнесыне государствать инголе эсь обязательстванзон сьоронь максомаса и видьмонь ссудань пандомаса, панды МТС-ти натураса МТС-ть работанц инкса тиф договорть коряс, конань ули закононь виец, и пяшкотькшнесыне договоронзон контрактациять колга;
б) видемс кадонды видьмот и киза кувалмонди жуватань андомс фураж, а станя жа сьоронь аф шачемать эзда и жуватань кормань аф сатомать эзда страховканди тии видьмонь и кормань неприкосновеннай фонтт 10-15 процентонь размерса круглай кизонь потребностть коряс, и ня фонттне тиендевихть эрь кизоня;
в) артелень членонь общай [ 24 ]собраниять решениянц коряс тиенди лездомань фонтт инвалиттненди, сире ломаттненди, трудоспособностень временна юмафтыхненди, якстерьармеецонь нуждандай семьятненди, идень яслянь и сиротань кирдемс — сембе тя тиендеви аф 2 процентта лама размерса марнек валовай продукциять эзда;
г) артелень членонь общай собранияса арьсеф размерса явфневихть продуктат мимс государствати или рынкав;
д) артельть урожаенц сембе ляды массанц и сонь животноводствань продуктанзон артельсь явондсыне артельть членонзонды трудшинь коряс.
12. Артельть получаф ярмаконь доходонзон эзда артельсь:
а) паннесыне государствати законца ладяф налокнень, йотафни страховой платежень пандомат и ярмаконь ссудань пандомат васень очередень порядкаса;
б) тиенди эрявикс расходт текущай производственнай нуждатненди, кода: вельхозяйственнай орудиянь текущай ремонтти, жуватань лечиндамати, вредительхнень каршес тюремати и ст. т.;
[ 25 ] в) паннесыне артельть административно-хозяйственнай расходонзон, тянкса явошни ярмаконь доходтнень эзда аф 2 процентта лама;
г) явошни средстват культурнай нужданди, кода: колхознай кадрань анокламати, яслянь, детплощадкань организовандамати, радионь тиемати ст. т.;
д) пяшкотькшнесы артельть неделимай фондонц вельхозяйственнай орудиянь и жуватань рамамс расхоттнень тиемс, строительнай материалонкса пандомс, пандомс рабочайхненди, конат терьневихть строительствати ширеста.
Неделимай фондонь пяшкодемати отчислениясь йотафневи зерновой райоттнень эса аф 12-да кржа, но аф 15 процентта лама, техническяй культурань и животноводческяй райоттнень эса аф 15-да кржа, но аф 20 процентта лама артельть ярмаконь доходонзон эзда;
е) артельть ярмаконь доходонзон сембе лятф сумманц артельсь явондсы артелень члеттнень йоткса трудшитнень коряс.
Сембе доходнай поступлениятне обязательна сьорматкшневихть артельть [ 26 ]приходс синь поступлениянь шидост аф поздна.
Кода доходнай поступлениятненди, тяфта и средствань расходованиянди артелень правлениясь тиенди кизонь смета, конац сувай вийс аньцек артелень члеттнень общай собраниясост кемокстамодонза меле.
Правлениясь средстватнень расходовандамс может аньцек ся статьятнень коряс, конат ванфт сметаса, — расходнай сметань статьяста — статьяс средствань самовольнайста шашфнемась правленияти аф мярьгондеви и статьяста-статьяс средстватнень шашфтоманкса правлениясь обязан анамс разрешения общай собраниять ширде.
Колхозникнень общай собраниясост кемокстаф кизонь расходнай сметать эзда колхозть производственнай нужданзонды урожайть видонзон окончательнайста содамозост правлениясь может расходовандамс сметаса арьсеф расхоттненьаф 70 проценттост ламоть. Лядыкс 30 процентсь лядонды резервас и расходовандави аньцек урожайть [ 27 ]видонзон окончательнайста содамост меле и колхозникнень общай собранияснон решениядонза меле.
Артельсь сонцень ярмаконь свободнай средстванзон ванфнесыне банкаса или сберкассаса сонцень текущай счетсонза. Текущай счетста списаниясь йотафневи аньцек артелень правлениять приказонц коряс, конац действительнай артелень председательть и счетоводть подписьснон наличиянц пингста.