Вельхозяйственнай артельть примернай уставоц/3
| ←II. Модать колга | Вельхозяйственнай артельть примернай уставоц (1939) , edited by Горькин А., Лукьянов П., translated by Каргин В. III. Производствань средстватнень колга. |
IV. Артельть и сонь правлениянц деятельностьсна→ |
| Печатлаф: Вельхозяйственнай артельть примернай уставоц, примаф колхозниконь-ударниконь Сембесоюзнай Омбоце С‘ездса и кемокстазь СССР-нь Народнай Комиссаронь Советсь и ВКП(б)-нь ЦК-сь февральть 17-це шистонза 1935 кизоня. — Перевод В. Каргина. — Мордгиз, 1939, Саранск. — с. 9—14 |
III.
ПРОИЗВОДСТВАНЬ СРЕДСТВАТНЕНЬ КОЛГА.
4. Обобществляндакшневихть: сембе рабочай жувататне, вельхозяйственнай инвентарьсь (плугсь, сеялкась, инзамась, тяляма машинась, косилкась), видьмонь запасне, кормовой средстватне стама размерса, конат эрявихть обобществленнай жувататнень кирдемс, хозяйственнай постройкатне, конат [ 10 ]эрявихть артельнай хозяйствань вятемати, и вельхозяйствань продуктань переработкань сембе предприятиятне.
Аф обобществляндакшневихть и ляткшнихть колхознай дворть личнай пользованиязонза: эряма постройкатне, сонь личнай жуватанза и нармоненза, хозяйственнай постройканза, конат эрявихть колхознай дворть личнай пользованиясонза ащи жуватанзон кирдемаснон инкса.
Вельхозяйственнай инвентарьть обобществлениянц пингста кадондови артелень члеттнень личнай пользованиязост вельхозяйственнай мелкай инвентарьсь, конац эряви приусадебнай модать лангса работатненьди.
Обобществленнай рабочай жувататнень эзда артельть правленияц, кда эрявксты явфни мзяровок алаша артелень члеттнень личнай нуждаснон питнеда обслуживандамаснонды.
Артельсь организовандай смешаннай животноводческяй товарнай ферма или кда улихть пяк лама жуватанза, организовандай несколька [ 11 ]специализированнай животноводческяй товарнай фермат.
5. Эрь колхознай дворсь зерновой, хлопкань, якстерьряпсонь, иляназонь, каньфонь, модамарень-овощнай, чайнь и табачнай райоттнень эзга может кирдемс личнай пользованиясонза тракс, сюру жуватань аф 2-та лама молодняк, 1 свиноматка приплод мархта, или кда колхозонь правлениясь лувондсы эрявиксонди 2 свиноматкат приплод мархта, 10-ти молемс учат и казат марса, аф ограниченнай количества нармотть и кроликт и 20-ти молемс нешкт.
Земледельческяй райоттнень эзга, коса развитай жуватаводямась, эрь колхознай дворсь может кирдемс личнай пользованиясонза 2—3 тракст и тяда башка, молодняк, 2-ста сявомок 3-ти молемс свиноматкат приплод мархта, 20-ста сявомок 25-ти молемс учат и казат марса, аф ограниченнай количества нармотть и кроликт, 20-ти молемс нешкт. Тяфтама районкс, например, лувондовихть: Казахстанть [ 12 ]земледельческяй райононза, конат аф смежнайхть кочевойхнень мархта, Белоруссиять полесскяй райононза, Украинань Черниговскяй и Киевскяй областень, Западно-Сибирскяй крайнь Барабинскяй степонь райоттне и Приалтайскяй райоттне, Омскяй областень Ишимскяй и Тобольскяй райононь группатне, Башкириять горнай частец, Восточнай Сибирть восточнай частец, Дальневосточнай крайть земледельческяй райононза, Севернай крайнь Вологодскяй и Холмогорскяй райононь группатне.
Афкочевой и полукочевой животноводствань райоттнень эзга, коса земледелиясь кирни аф оцю значения, а жуватаводямась кирни хозяйстваса решающай роль, эрь колхознай дворсь может кирдемс личнай пользованияса 4-ста сявомок 5-ти молемс тракст и тяда башка молодняк, 30-ста сявомок 40-ти молемс учат и казат марса, 2-ста сявомок 3-ти молемс свиноматкат приплод мархта, аф-ограниченнай количества нармотть и кроликт, 20-ти молемс нешкт, а [ 13 ]тяфта-жа тифтень алаша или тифтень кумыснай эльде или 2 верблютт или 2-нь осел или 2 мулхт. Тяфтама районкс, например, лувондовихть: Казахстанть скотоводческяй райононза, Казахстанть кочевой райононзон мархта смежнайхне Туркмениять, Таджикистанть, Кара-Калпакиять и Киргизиять животноводческяй районцна, Ойротиясь, Хакассиясь, Бурято-Монголиять западнай частец, Калмыцкяй автономнай областсь, Дагестанскяй АССР-ть горнай райононза, Севернай Кавказонь Чечено-Ингушскяй, Кабардино-Балкарскяй, Карачаевскяй и Осетинскяй автономнай областтне, а станя жа Азербайджанскяй, Армянскяй и Грузинскяй ССР-тнень горнай районцна.
Кочевой животноводствань райоттнень эзга, коса земледелиясь пцтай аф кирни кодамовок значения, а жуватаводямась ащи хазяйствань всеобемлющай формакс, эрь колхознай дворсь может кирдемс личнай пользованияс 8-ста сявомок 10-ти молемс тракст и тяда [ 14 ]башка молодняк, 100—150 учат и казат марса, аф ограниченнай количества нармотть, 10-ти молемс алашат, 5-ста сявомок 8-ти молемс верблютт. Тяфтама районкс, например, лувондовихть: Казахстанть кочевой райононза, Нагайскяй районць, Бурято-Монголиять кочевой райононза.