Вежа пызан гӧгӧр кытшлалӧм водзын
| Вежа пызан гӧгӧр кытшлалӧм водзын (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Спасӧй, Пречистаӧй!
Юра тай меӧй сулала
Копыртан юра;
Кыла тай меӧй сулала
Кывзысян кыла.
Бурси тэ меным, бурси
Кольк кыш пиысь петны;
Бурси тэ меным, бурси
Ай эзысь вевт улысь петны;
Бурси тэ меным, бурси
Энь зарни борд улысь петны.
Бурси тэ меным, бурси
Ыджыд бурсиӧмтӧ
Юр вывсянь кок улӧдзым!
Тасянь меным бурси
Тыра йӧртӧд дорсянь;
Сэтчань меным бурси
Тыра йӧртӧд дорӧ.
Тасянь меным бурси
Тыра нянькуд дорсянь;
Сэтчань меным бурси
Тыра нянькуд дорӧ.
Тасянь меным бурси
Петан ӧдзӧссӧ;
Сэтчань меным бурси
Пыран ӧдзӧссӧ.
Вердысь-удысь аянӧй!
Бурси тэ меным, бурси
Ыджыд бурсиӧмтӧ
Юр вывсянь кокулӧдзым.
Вердысь-удысь энянӧй!
Бурси тэ меным, бурси
Ыджыд бурсиӧмтӧ
Юр вывсянь кок улӧдзым.
Няньӧн-солӧн мӧдӧдӧй!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse