МЗЯРЦЯ ШИСЬ НИ...
Мзярця шись ни
Увнай вармась,
Мзярця шись-ни,
Пиземсь суводы,
Мзярця шись-ни
Козя Лаврась
[ 28 ]
Учсы манить —
Шитнень лувонды
Мзярця шись-ни
Увнай вармась,
Шави пиземсь
Вирьга, паксява.
Мзяр педа тячи
Хаврась.
Сюци мирьденц
Юрхца, латала:
„Тяда водя
Лавруш ялгат!
Няйса повоть
Аф эсь ёнозот,
Моньцкя сотца
Кода панда
Люпштай колхозсь
Лафту лангозт!
Аш месть тиймос.
Ётасть пинкня...
Аф минь прясонок
Тефня арьсемат.
Кельмя калмос
Ни вдь кинекя,
Ляды шитьня
Шкайти максомат.
Фана попськя
Ёнда машфни
Вов сон грехти
Пильгонц тонгозя, —
Ох ни ломатть...
[ 29 ]
Лоткак, поптькя
Колхозсь пондазя.”
Лаврань потмоц
Пяшкся толда,
Аф матови
Хавра бабати,
Конань векоц
Уленць ордатф,
Кода кржа
Лезнесь осалти.
Сон вдь сюдуф;
Вихца максозь
Козя Лаврать
Аляц кельгозя,
„Кафта сотьнят”
Питнень азозь...
Вов коданя
Аляц кильдезя.
Лама корхни,
Лавра попти —
„Колхозникня
Тяддя шавомат.
Мани шитнень
Якстерь толти,
Перестост —
Сёротнень максомат.”
Вов мес лавра
Учси манит,
Вов мес эсонза
Сюци авац,
Сюци эсонза,
[ 30 ]
. . . . . . . . . . .
Ляды шись-ни
Пиземсь шави,
Курок коськихть
Вальмять ливсенза.
Кундась вармась
Туця крайти,
Лофца лангокс
Менельть штафтозя,
. . . . . . . . . . .
Моли тракторсь
Колхоз „Майти”,
Шинясь копонц
Валца архтозя.
Сргозсь Лавра
Нльня эвоць,
Тракторть сталмоц
Кудонц шерьфтезя.
Мяштенц ланкс
Путозя кяденц,
Кяжда ваймонц
Потму таргазя.
|
|