Вармес бабаеныз эмеспи

Вармес бабаеныз эмеспи Калык выжыкыл

Поттэмын: 1880. Источник: Удмурт выжы кылъёс: Вотские сказки / собрал И. Яковлев. — Казань: Изд. Казан. вотск. изд. подотдела, 1920. — С. 3—4.

Одӥг эмеспи вармес бабаез доры куно луыса мынэм. Сое вармесэз одӥг но сектамтэзы. Собере эмеспизы ӝыт гинэ, мон бускеле потӥсько шуыса, кошкем но вармесэзлэн укнотӥз учкыны кутскем. Бабаезлэсь гур вылаз мусур бекче понэмзэ адӟем, абиезлэсь муръё гырыке ӵӧж понэмзэ, тушак улэ куарнянь понэмзэ, адӟем.

Собере со корка пырем. Пырон дыръяз абиезлэсь ишкон палэс немыч курег азькышет улаз пачкатэмзэ адӟем.

Со бабаезлы верам: «Чаль, бабай, ачимес мар адӟемез, мар кылэмез вераськом», — шуэм. Бабаез лыктэм но со вераны кутскем: «Мон татчы лыктон дыръя одӥг кый адӟи; шапак гур вылысь мусур бекче быдӟа вал; мон солы муръё гыркысь ӵӧж быдӟа из басьтыса лэзи но со тушак улысь куарнянь кадик вӧлдӥськиз; та кылэ зэм ӧвӧл ке, мынам йырсие абилэн азькышет улысьтыз курег гон кадик ишкиськыса мед бытмоз», — шуэм. Та верам кылъёсын вармаез туж возьытэ вуыса кылиллям.