Валда ян/1929/05/Варжамс сембе ширеста
Варжамс сембе ширеста
| Партиять ваномстонза сяда лама улеза активностьта, келептемс работать мольфтеманц, меляфтомс варжамать воспитательнай ширенц.
Партиять ароптомац пецы Ленинскай отрядть и аропцынь рядонзон аф коммунистнень эзда. |
Кода йотафтомс ароптомать
Май ковть омбоця пялестонза ушоды ВКП(б) нь партиять варжамац и ароптомац. Аноклама работась, азондома работатие лама организациява аделафт ни.
Партиять ароптомац йотай лац, к‘да цебярьста йотафтф аноклама работась. Нинге аф сембе организациятне фкакс анокласть тя оцю, партийнай задачать йотафтоманцты. Аф сатыксня тя тевса, эрявихть петемс. Сянкса вастова сяда цебярьняста эряви пуроптомс тя тевсь, конанц ба йотафтомс афторитетнай руководстваса и ст. тов.
Партиянь организациятненьди васендакига эряви ароптома тевса ладямс руководствась станя, штоба варжама комиссиятнень составснон ланкс ванольхть цебярь мяльса аф аньцек партийнахне, но афпартийнай рабочахневок и трудяй сокай ломатневок. Тезисне, конат примафт апрельски пленумса и 16-це партконференцияса, а станя же ЦКК-ть инструкцияц, макссихть видя няфтемат варжама комиссиятнень цебярь составснон пуроптомаснон колга, коза эрявихть сувафтомс сяда цебярь рабочехть производстваста, подпольщикт, коммунистт, конат сувасть партияв революционнай тюремать пинкста и преданнахть социализмань тевти ялгат.
ЦКК-ть инструкциянц коряс ули кода варжамс аф аньцек рядовой коммунистнень, но и руководительхненьга. Кда руководительхне варчсевихть сяда вяря ащи контрольнай оргатнень эзда васеньце очереца, то любой коммунисць может азомс латта сят проступкатнень колга, конат рукуводительть мельга улихть. Варжама комиссиятненьди эряви тяфтама заявлениятнень варчсемс и сявоньдемс мяльс.
Партиять мярьгоманц коряс, ароптомась йотафтовоза станя, штоба ароптомати улельхть серьгятьфт аф партийнай рабочахть, батракт-беднякт и сокай ломатть среднякнень эзда. Партиясь мярьгоньди, штоба пуромкст терьдемс ся пиньгоня и стама васца, мзярда сяда лама пуроми ароптомать йотафтома трудяй ломаньдя. Но кода азф ароптотомать колга тезизса, аф эрявихть нолямс пулот ароптома тевс и аф макссемс пря демогогичискай обвинениятненьди.
Аф эряви нолдамс, штоба ароптомась шарфтоль станя, кода эряволь ба минь врагонеконьди, аф пейдемс сембе партиясь.
Омбоце пелькс васць, кона эряви содамс, се, - штоба аф нолдамс васенда ушодомста сявомок варжави организациять или ячейкать ланкс аф мяль мархта ваномать.
Парторганизациятненьди сембе ширеста эряви лездомс ароптомати. Сембе аф сатыксне эрявихть лифтемс ушу, штоба синь улельхть содафт и арьсефт. Эряви мяляфтомс, што ся организациясь, кона аф лифцынь ушу кальдяфнень, се — коласынь партиять инголя ащи ароптомать колга задачатнень.
Партиясь путни эсь инголенза, задачат конань коряс аярдомс аф коммунистическай и аф большевицкай элеметнень эзда. Тя эряви содамс аф аньцек коммунистненьди, но и аф партийнахненьдигя.
Партиясь аф путни эстеенза задаче пуроптомс кати кода „фкя фкянь йотама“, коса мзяра ули ароптф.
Оцю задачась ароптомать и варжамать колга, коданга тяза калафта партийнахнень нормальнай работаснон, а станя же партийнай, совецкай, хозяйственай и профсоюзнай организациятнень аппарацнон работаснон, ВКП(б)сь вяти руководства государствать эса, ВКП(б)-сь максси ответ строямать инкса, трудовой дисциплинать, экономическай отношениять инкса. Партияти эряви мярьгомс, штоба сонь членонза лездольхть ароптомати и сяда цебярьняста йотафтолезь инголенза путф задачать.
Од ветя кизоть, тейнек эряви ушодомс работась од вийса, од вии ряца. Партиять пролетарски сектороц улеза вишкоптьф.
Партиясь, варжаф и ароптф аф пчкяй элеметнень эзда, партиясь, кона пуроптозень массатнень бюрократизмать и лия кальдяфнень каршос совецкай государстваса тюрема-тевти, и ст. тов - тяфтама партиясь лиси ароптомада меле нингя сяда аноклафста бойс, Ленинскай знамять инкса и социализмагь инкса. Тяфтама партияти аш кода аф сяськомс: — сон сяськи мезе ба инголенза тяза уль.
