Ванине (2011)/Валкске

From Wikisource
Jump to navigation Jump to search
Валкске  (2011) 
by Нуянь Видяз, edited by Разгуляева Т. В.
Нуянь Видяз. Ванине: роман. — Саранск, 2011. — с. 282—284

[282]

ВАЛКСКЕ

Анелямс — каванямс, «баловамс» эйкакшонть; анелямо -каванямо, якамо сыре эли сэредиця ломань мельга

Ангоря — кедьёнкс, ангоряви-пурнави сонзэ эйсэ тикше, олго. Ней — граблят

Апторгадомс — 1) пачкодемс а чарькодемас, недоумевать; 2) а содамс мезе теемс, пачкодемс пес

Арво — 1) медьстэ теезь симемапель; 2) панжовксто саевкс летьке, эйстэнзэ мекшесь теи нектар

Арнэ — вий; арнэм маштсь...

Арнема — мелень ванома, арнемс — явомс мель Але (илык) — вий; маштсь илыкем...

Барлак — кадозь, а соксевиця ума (участок). Вейсхозтнэнь калавтомадо мейле истят модатне вастневить ламонь таркава

Буволдомс — кавтолдомс, а самс кодамояк мельс

Ваксар — тюремстэ рунгонь ванстомань оршамопель. Васня ульнесть кедень, мейле — кшнинь, уськстэ

Ведрекш — васенцеде вазыиця скал, тёлка

Вензав — 1) покш, сэрей (цёра); 2) кувака пильге (ломань)

Венежа — 1) аволь сеске алов туиця, пологий (валгома тарка, ки, пандо); 2) усковиця (чапакс, металл); 3) а капшиця, а эрязкалиця (ломань)

Вирез — ревелевкс

Дёкушкадомс — берякадомс ормадо-мезде (ломанде)

Дёр — ливчаня, тевень содыця (ловкий, умелый) ломань

Дюния — тамашань тев, чудо

Енамс — понгомс эрявикс таркас, цельс.

Ёнамо — цель

Зобня — 1) пеке, желудок; 2) лиякс ёвтазь, ламо сэвиця, обжора

Иердемс — мезеяк теемс киньгак апак кунсоло, мезе лангскак апак вано, теемс истя-а истя, упрямиться

Кайкс — ёжо, настроение; кайксэм каладсь...

Киртыж — кудонь чапосонть вальма юткотне, теевсь, бешоконь, киртямс валстонть

Кодоркс — эмежень-мезень тапарявиця, сравтовиця нетькс (комолянь, куяронь, фасолень...)

Кожодомс — костемс, костямс (сюро...)

Кудадей — кудонь теиця, чапиця, плотник

Куйгельдемс — менчевемс, бизмолдомс, теевсь, паряк, гуй

[283] валстонть

Кукольдемс — 1) чопавтемс (ведьс); 2) велявтомс прят лангс (коштсо)

Кулелямс — а кемемс вейкень-вейкень лангс, ревновать

Мильк — курок, сеске, апак учо, мезеяк эзь тееве

Лайнемс — 1) пек паломс (толдонть); 2) виевстэ арсемс, яжамс превть; 3) лиякс, талномс

Манарка — авань аволь кувака телень оршнемапель, кандтневсь 1950-це иетнестэ, ней тарказонзо — куртка.

Марамс — путнемс лангсек-лангсек, кепедемс, кайсемс ве таркас (тикшенть, моданть, олгтнень...) Марамс мар. Полавтовсь рузонь валсо: валямс куцяс.

Менть — сюпавчи, сатыксчи, эрямс ментьсэ; ментей — пекень пештиця ярсамо

Менгев — прянь верьга кандтниця, якамс-теемс прянь шназь, каштангалиця

Мушко — сэрей, калгодо нетькс касынькай. Те авакш, цёракшось — пазе. Вейсэнь лемезэ — кансть. Ламо пингень перть сон оршась ды андсь ойсэ (кансёройсэ) ломаненть. Валось теевсь асодавиксэкс меельце шкастонть.

Иев — модас, сюконямс невс...

Невак — тарказонзо сёрмадыть ещё, эштё, ешо, оштё

Нокамс — 1) эцемс (приноравливаться); 2) снартомс, бажамс, мель путомс. Нокамс оргодеме...

Одёр — покш (здоровенный) цёра

Пазе — канстень атяка касынькаесь. Кармась стувтовомо

Пазида — пазонь кудо

Панзей — паксянь пиже тюс, пулынесэнзэ нуриця нармунь, эль покш озяздо, трясогузка

Пача — вирьсэ-косо эриця идем ракшат, полавтови рузонь «зверь» валсонть

Пежеть — апаро тев (кенгелемс, саламс, стяко чумондомс, микшнемс пря, кортавтомс...), грех

Пезеря — човине; пезеря чувар, пезеря пиземе

Пелилкат — кедьёнкс, вельдензэ сюлмавить-пекставить ломаненть пильгензэ, кандалат

Пештор — ленгстэ кодазь кедьге. Седе покшосонть (велькссэнть) вельтяви текекс кодазь алгсось. Кандтневи ведьме вельде. Кандтнесть эйсэнзэ паксяв-ков важодеме якамсто ярсамопельть. Рузокс — кошель

[284]

Пистень — пачань кундсемака, уськстэ-мезестэ килькш

Роки туво — тона чистэ лисниця кодамо-бути чопода вий

Седь — коштонь аразде пельс палозь пенгть, уголь

Сертямс — сеземс, апак учо сеземс ёвтницянть кортамонзо

Соргавкс — чугунсто, алюминийстэ валозь покш, зярыя ведрань покшолмасо кедьге, эйсэнзэ пидеви ярсамопель. Котел

Сыреж — паронь арсиця; сыреж валось сырнеде питней

Стувор — ярсамопелень ды мезень-лиянь путнема тарка, ней — столь. Лиякс тензэ мерить, вастневи литературасо, морга. Теке марто, моргась — каштом икелькс ды эйсэнзэ келей-сэрей эзем, конанень мокшотне мерить морга. Эрзякс — вешкезем.

Танагай — аволь ванькс ойме

Тан: танонзо ёмавтызе; он растерялся, не знает что делать

Телькемемс — сиземс, стомавомс, утомиться; телькеминь кувать якамодонть

Тедиень — тедедень иень, тундонь видевкст, яровойть

Толгайге — од вал, «пожар» валонть таркас

Треста — канстень керметь ваявтомадо-костямодо мейле.

Ускильть чалгамост пенькозаводов

Тотномс — пелемс, вастневи Орданьбуесэ, кона Дубинькань буесэ, опасаться

Тояра — куракш; чевге тояра, тоярдомс — касомс, куститься

Тужо — а эрязкалиця ломань, тужосто — стамбаро

Тулго — мышца

Цёлак — мезекскак амаштовиця, чаво ломань

Цопамс — ливтнемс сёлмосо чуросто, шкань-шкань ахолязь, парить

Цябай — 1) стувтозь... книгат, тетрадть...; 2) стувтниця... ломань, рассеянный

Цяпла — чувтонь чашка, блаушка, вейкеть потмакс ваканнэ

Чобла — уськестэ апокшке кирькс, кольцо

Шаншил — нузякс, тевень авечкиця

Шаштолма — шаштомапель, рычаг; саик шаштолманть...

Ябунця — вельтямо, копачамопелькс, покрывало