Валлян кык мурт нюлэске мынэм

Валлян кык мурт нюлэске мынэм… Калык выжыкыл

Источник: Гаврилов Б. Г. Произведения народной словесности, обряды и поверья вотяков Казанской и Вятской губерний. — Казань, 1880. — С. 57• Текст туала орфографие берыктэмын но абзацъёслы люкемын

Валлян кык мурт нюлэске мынэм нин уськытыны. Огез, пе, вылэм чильымчи. Таос, нин уськытыса, жадиллям, пуксиллям ял карыны, огез чильым кыске, пе, огез изе, пе.

Чильым кыскыса улыкуз, изисьлэн ымтӥз лулыз, шыр луыса, потыса пужым йылэ гырке пырем но васькем; собере ымаз пырем но сайкатэм.

Сайкам бераз эшезлы, пе, вера:

— Мон али вӧтай, — пе, шуэ.

— Кызьы? — пе, шуэ.

— Одӥг пужым гыркысь кык бургыен уксё шедьтӥ, — пе, шуиз.

Собере соос бертыса кошкиллям. Бертэм бере чильымчи мыныса утем но кык бургыен уксё, пе, шедьтэм со пужым гыркысь.