Валда ян/1932/06/Капиталистонь масторхнень эса
| ←Мокшэрзянь ВКП(б)-нь обкомть путфксоц тундань видема кампанияти анокламать колга | Валда ян (1932), 6 №, 1-це май edited by Леонтьев С. Б. Капиталистонь масторхнень эса |
Валпрякс→ |
| Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 6 №, 1-це май, 1932 к. — с. 21 |
| Капиталистонь масторхнень эса |
| Белогвардеецне тийсть разгром КВЖД-нь правлениянь председательть ялганц кабинеца. |
Харбинцта азонцазь, што китайско восточной машина кить ланкса провокациясь ниньге коль аф лоткси. Эста, кода китаень полициясь арестовандакшни советонь союзонь ломаттнень эса, белогвардеецне, конат тиенцть взрыв КВЖД-ть ланкса, апак наказандакшнек вятихть эсь провокаторскай тевснон. 16-це апрельста тийфоль белогвардеецонь демонстрация. 400 белогвардеец врьяцть КВЖД-нь правленять ланкс, занязь лисема вастть и кармасть фсякай лаца гразяма КВЖД-нь правлениянь совецкай частть эса. Белогвардеецне пешкочнесть совецкай частть ланкс: „динамитчикт“, „подрывникть“ и ст. тов.
Белогвардеецне сязезь кеньчкснень й сувасть КВЖД-нь правлениянь председательть ялганц. Кузнецовть кабинец, конац соньць кабинецонза ашель, и кармасть щупама сембе сонь кагодонзон. Демонстранттне кяцост канцть плакатт, конат сьорматфтольхть КВЖД-ть каршес. Кода азонцазь демонстрациянь руководительхнень ульсть аружиясна.
Аф ламода тяда инголя белогвардеецонь толпась прьметазе ульцяста Кузнецов ялгать и врьгяць сонь лангозонза. Кузнецовсь кой-как воргодевсь эздост, озась эсь машиназонза и тусь. Полициясь тянь каршеска мезевок ашезь тие.
| Белобандиттнень провокаторскай работасна. |
Пограничнайса ащи совецкай консульствась азонцы, што мекпяльдень пинкть эзда сидекстомсть белогвардеецнень выступлениясна, конат азонцазь эсь пряснон Совецкай союзонь ломанькс.
Бандиттне пуромкшнихть аф оцю группанява и якайхть станциятнень и раз‘ездтнень ланга, конат шакшнефт кожаннай тужуркаса али военнай образецонь полушубкаса и азонцазь эсь пряснон „Приморьянь чекистокс“, „Коминтернань ОГПУ-нь агентокс“.
| 90-тьожанень японскай армия Шанхаень районца. |
Нанкинскай правительствань оффициальнай агенствась „Сентраль ньюс эдженси“ азонцы, што японскай позицыянь васенце линияса Люхэ-Цзядин районца ащи 50 тьожань японскай войска. Омбоце линияса - Цзядин Нансян районца - 10 тьожатть японскай войскат, колмоце линияса - Нансян Чапей районца - 30 тьожань японскай войска.
Агенставсь азонцы, што тяни японскай войскатне оноклайхть танга оду военнай дейсвиятненди.
| Польшань батракнень всеобщай забастовкасна. |
Вельхозрабочайхнень работама питнеснон кафтонь крда кирьфтамодост меле, предпринимательхне тяни азозь, што тунда работама питнесь танга кирьфтави 30—40 проценц.
Левай профсоюзнайсь азсь всеобщай забастовка вельхозрабочайхнень йоткса, конац азф работама питнеть кирьфтамани и массовай увольнениять каршес.
Сяс, мес забастовкань лозунгсь ульс пяк оцю мяльса примаф батракнень мархта, пепеэсовскай лидерхне, штоба сяземс забастовкать путозь азомс 18 це апрельста демонстративнай фкя шинь стачка.
| Войнати анокламаса работась мольфтеви пяк вишкста. |
Германиянь предприятиятне пяк вишкста работайхт фсякай лаца войнанди эрявиксонь анокламаса.
Оберндорфса, Вюртенбергса Маузер фабрикась пяк вишкста работай Дальняй Востоконь закаснень пяшкочнемаса. Аф кунара тоза кучф 1.000 маузер.
Саарбюкенца Рехлинг предприятиятнень эса рабочайхне тийсть забастовка работама питнеть кирьфтаманц каршес. Тяконь шовор рабочайхне тюрихть импералистическай войнать каршес, а Рехлингонь предприятиянза арсихть пяк оцю военнай предприятиякс.
Кода азонцэ „Зексише арбейтер цейтунгсь“, Вайсигса Гайден химическай фабрикась вов ни 10 шит коль эрь шиня прважси 10-12 вагон химическай веществат, конат прважсевихть Чехо—Словакияв, Шкоодонь предприятиянзонды,
Гартман.
Ответ. редакторсь С. Б. Леонтьев
| Сдано в набор 15 апреля. Подписано к печати 27 апреля. Вышел из печати 28 апреля 1932 г. Издат № 257 |
| Обллито № 271 Тираж 833 экз. Печатных листов 3. г. Саранск, типография „Красный Октябрь“ Заказ № 1329. |