Валда ян/1931/07-8/Омба масторонь кулят
| ←Сьоронь анокламась Мокшэрзянь облазьса | Валда ян (1931), 7-8 №, Июль—Август ков edited by Бажанов Л. Е. Омба масторонь кулят |
Валда Ян→ |
| Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 7-8 №, Июль—Август ков, 1931 киза. — с. 29 |
Япониянь 400 революционеронди сашенды каторжнай эряф
29 июльста Шанхай ошста Япониянь революционнай организациятне нолдасть серьгятькс, коса терьнесазь сембе масторонь трудяень крдатнень арамс Япониянь политическай заключеннайхнень, ареляма конат тяниень пинкть эзда ащихть каторжнай приговорть ала. Корхнематне молихть ушечни судонь процеснень колга, коза сатф 400 да лама революционнай тевонь вятида.
Васенце группань — 43 ломань ланкса процезсь ушець. Синь пякстафт йотай кизонь апрель ховть эзда, повсть Япониянь коммунистонь партиянь лидерхне Гаку сато Карасава и лият. Маластонь кофнень эзда ули суд и илядыхнень ланксонга. Серьгятьксть сермадозь Япониянь компартиясь, комсомолсь, революционнай об‘единениянь профсоюзсь (Ниппон Родо Кумнай Зенкоку Кношкай). МОПР-сь, Империализмать каршес тюри Лиги Япониянь секциясь, а тяфта и Япониянь пролетариатть революционнай печатень органонь редакциятнень мархта).
43 революционеронь судендама тевть ланкс ваномок Такио ошса (Япониять столицац) ульсь лама демонстрацияда судонь кутть инголя и ошть сембе васцонза. Лама демонстрант кундась полициясь. Такио ошса судонь тефнень йотнемста ареставандаф лама сяда ломань.
Болгарияса и Грецияса молихть арестт.
София ошса пачфнесазь 29 июльста, што полициясь мусь нелегальнай типография, конань эзда муф лама сяда экземпляр коммумистонь партиянь органонь „Работнически вестник“ газета и комсомолонь органонь „комсомольское знамя“ газета, и лама август 1-це шинцты аноклаф воззвания. 5 рабочайхть, конат ульсть типографияса, арестовандафт. Тяка пингоня ушецть массовай арестт сембе София ошть эзга. Молинов премьерть кядь ала ноляви „знамя“ газетась азонцы, што арестовандаф лиятнень мархта Болгариянь коммунистонь партиянь ЦК-ать колма членонза.
Салоникста (греция) пачфнесазь, што тоса полициясь арестовандась лама коммунист, конат Италияста Салоник ошу саф эскадратнень йоткса явонцть антимилитаристскай и антифашистскай воззваният.
Сенатор Борась тага йорай сотксонь кирьдемда СССР-ть мархта.
28 июльста Нью-Йоркста. Либеральнай эрь шинь „Нейшен“ газетаса нолдаф сенатор Борать сьормац, коса сон корхтай, што Европать пчкафтоманц инкса эряви йотафтомс 4 мероприятият: 1) Тиемс ревизия версалень договорть лаккса, 2) Ваномс репорациятнень, 3) йотафтомс эряфс войнань аф анокламать и 4) СССР ть сотсонь кирьдемань мялец.
Сенатор Борась азонцы, што войнань аф анокламась лоткай аньцек „снярда, мзярда ули йотафтф эряфс русскай проблемась.“
Германияса полициясь кяжияфни.
2 Августть самс Ратебери ошса (Верхняя силезия) ульсь арьсеф йотафтомс войнань каршес митинг и международнай пограничнай васфнемат, коза йорасть сама Германиянь, Польшань и Чехославакиянь трудяйнь крдань представительхть.
Тя васечнемась аф ули. Полициясь аноконди пеень кальциезь ушець кяжияфнема.
Ольденбуркса лоткафтфт менель-алдонь сембе демонстрациятне, митинкне, а тяфта и сембе кодапт ба афольхть уль массань политическай пуромксневок 1,2 август ковонь шитнень эзда.
Англиясь ярмаконь тевса канды сталма.
Англиянь и Франциянь банкатнень корхнемаснон колга „Энтрансижан“ газетась няфнесы, што тевсь моли сянь колга, штоба лездомс Англияти ярмаконь тевса сталмотнень ззда лисемати: сталмотне инь сталгачнихть эрь ковть пемаластонза сембе пандоматнень йотафнемста.
Зауэрвейнать валонзон коряс, тефне тяни арасть стане, што аньцек кредиць, конац-ба араль кувака пингонь заемкс, арси Англиянь банкать стака тевонзон петикс.
Отв. Редактор Л. Е. БАЖАНОВ | ||
| Обллит № 228. | Типография „Красный Октябрь“ | Тираж 2009 экз. |