Валда ян/1928/03(4)/Сембя масторнь идень неделясь пионер-отряца

From Wikisource
Jump to navigation Jump to search
Валда ян (1828), № 3 (4), Май ков edited by Шотин И. В.
Сембя масторнь идень неделясь пионер-отряца
Валда ян. Эрь ковонь общественно-политический и велень-хозяйствань журнал. Нолдаец "Од веле" газетать редакцияц. — № 3 (4), 1928 кизоня, Май ков. — с. 8
[8]

Сембя масторнь идень неделясь пионер-отряца.

Майть комсьцекс шистонза комськафксува шинцты молемс ули йотафтф сембя-масторнь идень недялясь, кона тя кизоть пови фкя пиньгоня губернянь пионеронь организациять ветякизонь топодеманц мархта. Тя неделять эряви пионерхненьди ваномс эсь ялгаснон лангс, конат эряхть липштафста шивалгома и шилисемя ширеса. Эрявихть тиемс ярмаконь кочкамат (Ошса 3 трьошнеконь, а велеса 1 трьошнек эрь пионерть кяцта, а станя и лия шабатнень и ацюфнень кяцтовак, конат улихть кучфт подшефнай организацияснонды китаень революционеронь — шаботненьди Марса сембя масторонь идень недялять и губернянь пионеронь организациять 5 кизонц мархта эряви лятфтамс, што тя кизонь 23 майста пионеронь организацияти максф Ленинтть лемоц.

Сянкса мяляфтомс тянньгя и ваномс, кода пионерхня йотафнесазь эряфс Ленинтть мялензон.

Тя компаниять йотафтомста эряви тиемс комиссия, коза сувальхть представительхть ВКП(б) ста, ВЛКС‘мста, профсоюзонь исполкомста, О. Н, О.‘-ста, здравотделста и обществаста, друг детей, нятненьди тиемс, а) анокламс решениятьня совецкяй и партийнай линиява, конат кеподелезь общественнай и государственнай мероприятиятнень; шабань таза шинь ванома пяли трудавой и ваеннай воспитанияснон пяли, шабань пукомать эксплотациять эзда ванома. Нят М. Д. Н. шитьнень эряви тиемс, штобы государственнай и общественнай организациятня лездолхть пионер-организациятненьди. Явфтольхть теест кутт клубоньди, башка отрядонь организацияньди, мастерскоеньди, шабань площотканди. И лездолхть нужа песнон поладомс и путомс станя, штоба синь лисеньдеволхть лагерс, тевонь вятемс максомс теест цебярь камсомолецт. Бюроти эряви йотафтомс активть мархта совещания Ю. П 5 кизонь работанц колга Пензань губерняса и азомс, кода эряхть шабатня лия масторга. Сяда меля, сяда активнай пионерхня кучемат мала велева шабатнень и оцюфнень йоткса беседань вятема.

Мезя Улеза Тийф М. Д. Н. ти.

Йотафтомс конкустт сяда цебярь сигналистти, стрелокти и кагодонь лиемань нолдайти (планер-змей). (...)натненьди эряви тиемс; емла звенати — сорьмадомс лозунгт и мазептемс клубть или морафтома кутть. Кизефнемс мзяра шабатня содахть лия масторонь шабатнень эряфснон кувалмова, мезя тиеньдихть шабатня эсь уезцост. Тонафнемат од налхксемат сяда емла шаботнень мархта,. Кучкаста звенати: Сермадомс сьорма лия масторс и подшефнай мастору (америкав). Тиемс альбом, кона лац няфтелхця кода эряхть шаботня лия масторга, тиемс инсценировка, физическяй упрожненият. Старшай звенати Эряви йотафтомс агит. работа тя празднекть ветя кизонь юбилеенц кувалмова — йотафтомс интернациональнай взност, неделя йоткть отряднай сборти тиемс беседат М. Д. Н. кувалмова. Мезя тисть пионерхня ваеннай наказть Кувалмава.

Кода ладямат шитня.

20 майста или маластонь шиста тиемс демонстранция, коза пуроптомс аф аньцек пионерхня, но и лия шабатня.

27 майста тиемс колма поколениянь илядь (партиясь, комсомолсь и пионерня).

Арьсемс работать.

Ваномс, кадома мяль каць шабатненди празднексь. Ваномс пионер организациять работанц и конашкава сон кепоць велетеса сембя масторонь идень неделять меля.

Анаюнь пионер отряц.