Валда ян/1928/03(4)/Мокшерзянь валвийсь

From Wikisource
Jump to navigation Jump to search
Валда ян (1828), № 3 (4), Май ков edited by Шотин И. В.
Мокшерзянь валвийсь by Черапкин, Иосиф Григорьевич
Валда ян. Эрь ковонь общественно-политический и велень-хозяйствань журнал. Нолдаец "Од веле" газетать редакцияц. — № 3 (4), 1928 кизоня, Май ков. — с. 16—17
[16]
И. ЧЕРАПКИН.

МОКШЕРЗЯНЬ ВАЛВИЙСЬ.

Кода тушондыхть народ йоткова моротня-йофскня.

Содам-йофксне.

Содам-йофксненди ламо мокша-велева мерьгихть „йофкст“, а кона-кона велева „нюрькене-йофкст“. Тяса минь карматама мерьгоме теест фкевалса — „йофкст“.

Тяфтамо-кортамаса ламо-пря вииясь. Меляфцы кажнайсь эзданок од-пиньгонц, коста йофксонь азомась, йфнемась и содцемась, ламо-илядь весяласта йотафтфц-кяцтонок. Синьэсост кржа валса, ламо-йонь азф, кода и лия валонь-шарфтомава, пословицава и поговоркава. Но мельдень азфса, аф одонь, а сире-йонь, эряф-ломанень шарчав-ши эряви, а йофксса, — од-ломанень йоньтиньге работа ули.

Йофксневок смексефть; народ-йоткс налдазь синь шарчав-ломатьть.

Летфтан шабакс-пингонь тев. Весть минь одонь-келесонок, пуромоме Илюшка-атянь пяли. Ламос йофкст йофнеме, азор-авась кафксть-ни толть-кирьфтамо-снись. А минь сембе аф тушонтама. Азорське аф-весть ушу лисеньць. Омбоцеде ушоста сувамоконза и кортай тейнек: „Содасть, шабат, монь йофксозень“? Ну минь радтама, што сире-ломань йоткозонок шоворькшни: „Азкать, йофтака, Илюшка-атей!“ Тумоть ланга, поюсь ласьконьди, — типец азорсь — ну вага содасть?“ Содцеме-содцеме, таки из кочкав. А Илюшка-ате аф азонцы, морьги, — арда куду, ладняс арьседе, кда аф содави, азса мльни. Стане и кстардомазь.

Минь вешеньдеме-вешеньдеме, таки из мув тейнек содамац. Омбоць-илять азозе. „Лисень, — кортай, — ушу варжакстонь ящи — жировть — лангс и смекайне йофкст. Вдь жировоньди тумонь-столба модати стяфнихть, а поювань-олга ведень-таргамс ладьцихть".

Те примерть лаца сембе йофксне смексевихть, юкстави йофксонь-кочкайть лемоц, а валонза таки якахть йотксонок.

Сьормас содамась ламойофкс тейнек лия кяльста канць. Но улихть стамо-йофкст, конань ламо-разнай народ, фкефкоста апак кеподть, фкакс йофнесазь, сяс мес синь эрям-шиса фке тевоньди ащихть.

Баснятне.

Кода летфнеськ-ни, ламо-вастова мокшотне „азондом-йофкс“ и „кувака-йофкс“ валтньнень-эземс мярьгоньдихть „баснят“. Нюрькене-шинц-кувалма „баснят“ валт минь и сявонцаськ.

Лама, пяк-ламо-баснядост мокшерзятнень. Лац-ряц эзост варжакстомок мокшонь седице кенерди. Беданьке се, ашот сермаса синь, или кржа пек эздост вачкадьф. Улихть йотксост стамо баснят, конат мокшонь тнярстонь-эрямать азонцазь. Лама стамдонга, конат лия кяльста кеподьфть, больши рузоньнеста; лама сире-басняда, лама одтонга. Кода баснятне тушондыхть, примерса азонцаськ.

Мокшо-йоткса, видна, равжа ломаньде кржаль.

Мес тусть синь, нароць эсь лацонза сень смексезе.

Промзино-велеса, Беднодемьяновскай уезца, 1925 киз. работамстон, сувань фке куц и тоса мокшонь цьора, Осип Ефимоч Крючков, цеберь-басеннек, кармась тейне баснянь азонкшнеме.

Сяко-куца ульсь сирь-ате, сон ламос атказакшнесь баснянь азондомада, а тоса панчс-кяль. Кизефтемань: „Содасак мес минь велезонок равжа-ломатть явондасть?“ Мерьгонь, — аф содаса. И атясь кармась азондома.

Тевсь ульсь кунара роштувань-куду, од-ломатьтнень йоткс, кармасть якама кафто-стирхть. Кивок аф содасыне киньнет, а синьць пяк — мазыхть равжа щеерьсна — пта креньчень-бацят — пиндолдыхть. Цьоратне кармасть мельгаст якама, а тоса синь урьвакс сявозь. Сядынголи синь кортасть, штоба мирьцна мзярдонга крхтапань-телат син афольть ван лангозост.

Эрямок-ащемок шачсть ицна, стамо-жа равжа пря-понат.

Фке алять пек-тусь авац мялезонза и сон кармась думандама, мес авац изь мерьге крхтапань-теланц няемде. и смексесь — кода няемс аванц крхтапа. Тусь авац баняс, алясь састоне мельганза, ваны баня-вальменява, аванц потмонза, седиензо-максонза кеца-апак-вельтякт. Анцяк алесь няезе авать кртапань-теланц, сон шарькоц и кулосьтозк баняв.

Омбоць-алясь моли алашаса аванц-марта тищь-урядама. Савсь Вадоть-туркс седьге йотамс. А сядынголе авась кортась: „Пачкодьтяма ведь кучкати, мерьк тейне: „убирайси к чьорту“. Пачкоцть крхка-вастонь-каршось, авась валтозе крьозонц, а алясь, пеечнемге пщкяц: „убирайся к чьорту“. Авась комоц ведьти и тозск юмафц. Алесь учонць, вешеньц, но изьзе мук аванц, таки иляц удовойкс.

Вов не семияста равжо-ломатьтне и тусть. Кармась атясь азондома, кодама семият, кодама фамилият не плямаста тусть. Баснясь кувака, мон азондыне анцяк эрявикс вастонзон. Ванцак, нароц эсьлацонза, самеоказя коста тусть равжашеерь-ломатьтне.

Краснослободскай уездонь Ж. Полянка-веленеть эзда ниле вайгельбешка шимадьм-шири ули мар, мерьгихть теенза „Ошка-панда“ а конат „Йожкапанда“.

Се маласа Мокша-вец шуди. Мокшоть кержи-ширеса, врас „Ошка-пандть“ — каршоса Мокшоть берякса ащи омбоце марсь. Йотксост сисемшка вайгельбе. Нароць смекась басне, мартнень карань-каршок ащемаснон коряс. Врагов-ялгась, С. А., вов кода марязе се баснять сире-бабань азондомаса.

„Пек-кунара, коста тяса ниньге ашольть мокшо-велеть, састьтяза кафто-братт, мокшонь богатырьть. Синь мяльс-сявозь строямс пичень-кудт, не кафто-пандатнень прява. А вирьде ламоль эста не мартнень перьфке.

Азсть фкефкеньди-валда и кармасть строяма кажнайсь эсьтеенза кудт не кафто-мартнень прява. Тьнярс узертне питьнииьтельть, сяс синь два-браты фке узерсноль. Работай мартонза фкесь, — сизи, йордрасы омбоцети сисем вайгеельбень вастонь-вельф. Стак ащись, озай марть-пряс, кармай морама. Вайгеленц эзда шуфттнень-пряста лопатне пяерихть, кода вишке-буря-пингть.

Тага лама се баснять песа, но тейнек примероньди тевок саты. Ванцак, нароц тага эсь-лацонза смеказе кафто-маронь карань-каршок ащемать.

Сембе эрятама ингольдень-арьсемать марта, сяс мокшонь кортамаське: „Течи кода-кода, а ванды-пачат“. А лац эрямать нейсаськ козе-шиста. Се думандаманц нароц тожи басняса азонкшнесы. Аш стамо-мокшовеле коса-ба афольть уль казнань-колга баснят. Почти сембе сире велетнень-маласа улихть вастт, конань лемсна: казна-лотка, казна-кужа, казна-лашма, казна-ащема и ламо лия тяфтамо-лепть.

Уленьцть стамо-ярек-ломатьтке, конат казна-ащем-востнень-эса шувонцть. Марят сяньге, пта синь казнатьке мушондозь, да ашость машта сявомонза. Тяфта нароць козя-шинкса лажнаманц топафнесы.

Не колмо-примерста даже, няеви, кода баснятне тиеньдевихть. Ламо-можналь азондомс но тениеньди сатыхть нятка.

[17]Мезе народть мяльсонза, сень сон йофкс-лаца баснякс азонцы. Мзярс нароць верондай тяфтама азондоматненьди, синь мяляфтовихть, народонь—мяльса ащихть и идень-идень-пес азонкшневихть. А хитрай ломатьтне, сире-баснятнень коряс, тага одт смексихть а то стак-эсь-прявийса мезеньге йфтамат азондыхть. Станяк и раштахть баснятне.

Кода лисеньдихть морам-баснятне.

Азондом-йофксне, эрямок-ащемок иляста морам баснякс шарондыхть. Стама баснятне, конань эса азондф-тевсь мельс пек-туй, или ладявихть валонза. Морам-баснятнень почти ладт лемдемс рузонь „былины“ валть-марта.

Афтонафнеф рузоньди, кда мерьгат, што „Илья Муромец“ и лия стамо-былинатне морам-баснят, сюцетянза, мерьги, „кода стане, а Киевонь пещерасот „Илья Муромецонь“ мощанза?“ Аф верендатанза мезьденьге! Станяк миньге мокшо-йотксонга.

Беззубов ялгась „козань-ошоть строямац“ (Од-Велеть 143 №ц ванк) морам-баснять-сьормадыец, азонды, што Семилей-велеса сонь морамстонза аватне сияк и аварьдихть. Летфтасаськ тага „Колмо-Ягортнень, шкаень сюдофнень“ „Тюштянь оцязорть“ „Павол Петрович оцязорсь" и лия морам-йофконень, синь морамстост лафчеми седице. Нень морамбачкаст, нароць сияк верондай эсост азондфти.

Виденц азомс, синь анцяк сьнярс и кирьдихть народйоткса, мзярс кельговихть и верондахть теест мокшотне.

А уленьцьть-ли стамо-тефть, конань тяфта морсесазь? Аф видекс, а шине-шапам ульсь, анцяк народонь морамаса тевсь афламда оцюлгоды или йолмалгоды, мезе эряви народти, се тевсь сядо-келеми, лама азондови ланганза.

Тяфтак морам-йофкст улихть шабань-моросонга. Летфтасаськ „Сеяль-ате богатырь, празднекфтемо кепоць пир“ идень моронеть. (Сон рузкс вачкодьф „Пензенский губернский сборник, вып. VI, Пенза 1905 г.“ книгаса, азондыец св. Барсов, Од-Пшеньвелеса морсесазь).

Те мороса кочкафт зверхьне нармотьтне, и азондф синь пиравамасна и бедасна, коста „сеяль-ате богатырьсь“ ваякшнесь ведьти, омбо-шири, бабанцты йотамста. Оцювоньди те морсь аф верондам-васта, а шабатне соньдиенза верондахть, сясь те теест морам-йофкс.

Озкс-валтне, кортафтоматне и воражиндам валтне.

Астама афламо-вал тага не моротнень колга, конаньди мерьгихть: озкс-валт, кортафтомат или кортамат и воражамат.

Нень эса тага сякокс ломаньц вешсь пря-ареляма. Афсодай-ломаньти сембе васца чуда, дива, а нень тиисна или шкахьне или нонатне (шайтаттне). Шкайть мялец озондозь ванома, а шайтан-тевсь пта стамо валса лоткафтови. Валвийти пек верондаль народоньке, и тениньге верондай. Тонафнеф ломаньц мезе няи, мезе кули, сембоньди вещ и об‘яснение природаста. Кольдяв-тевоц аф-содай-ломаньтьть! Сон марнек веконц пелезь-эрясы: фке ширьде — шкай-мяль ванома а омбо-ширьде нонатневок аф юкстамат, конатка аф кежияфтомат, а то эрямаце осал ули.

Тень-инкс и тусть озксне и воражаматне. Воражамань-валга и озкснень-эзга ламода няеви мокшэрзянь тьнярстонь эрямась. Монь няемасон лисеньди ни комозьшка озкс-мор, 150 малас воражамань-мор и кортама, но тейнь-арам ниньге тага ламо эстодост няда башка. И нень сембонь эса улихть стапт, конат азондыхть тени-почти-афшарькодеви-эряма. Лама стамдога, конат пелес рузонь, пелес-мокшонь кортамаса азондовихть.

Тяфтам моротнень, эк, ськамост бабатне или атятне тошказь — азонкшнесазь, а лия ломаненьди аф и курок азонцазь.

Моньцьке сьормадкшнень, лия ломатьтьке тешнесть ломо озкс-валда и воражамада и „Од Велеть“ вельде азонкшнезь. Газетать морафниензон-мялс синь лядихть. Да сталовок ламо синь эздост марьсеви. Не тефне мокшонь-народти ладняс азондомат, штоба арелямс пляманьке кафто-ширьдень эводькшнемада, сувафтомс мокшонь-седис фке верондама — анцьк наукати и соньтевонзонды.

Лама нядонга, и минь надиятама, валомне сембонь колга аф ламнень, журналть вельде азонкшневихть „Валдо-Ян“ сонь лемоц, катк и арай валдо-янкс мокшотненьди од эрямань тиемаса, паро-тевонь вещемаса.

Кортатама мокшэрзянь валонь-вийть ланга, аф най мокшонь, аф най эрзянь, сясь, мес минь мороньке ламоц фкат, фке пляманьнетяма, кяленьконь фкат закононза, ды обуцяньковок фкат. Балвийнь кортафтомста савихть фкакс азондомс и мокшонь и эрзянь моротне-йофксне и литератураське.

 
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
  • its creator didn't fight or work for Soviet Union victory during the Great Patriotic War — so the 70-year protection term is applied;
  • and the creator died before January 1, 1954 (more than 70 years ago), and has been not posthumously rehabilitated since that date;
  • and this work was first published before January 1, 1954 (more than 70 years ago).

This work is in the public domain in the United States because it was published before January 1, 1929 (more than 95 years ago).


The author died in 1935, so this work is also in the public domain in other countries and areas where the copyright term is the author's life plus 88 years or less (if applicable), or the copyright term is 95 years or less since publication (if applicable).