Валда ян/1928/02/Мезя эряви содамс страхофкать колга

←Лездома комитетнень маластонь задачасна

Валда ян (1928), № 2, Апрель ков edited by Шотин И. В. Мезя эряви содамс страхофкать колга

Мокшерзянь валвийсь→

Валда ян. Эрь ковонь общественно-политический и велень-хозяйствань журнал. Нолдаец "Од веле" газетать редакцияц. — № 2, 1928 кизоня, Апрель ков. — с. 12

Мезя эряви содамс страхофкать колга.

Страховандафтынть эсь воля видеф сьоронтень.

Йотай кизонда сембя союзганок црахманц тапась 1.400.000 десятина сьора, конатнень инкса панф сокай ломатненьди 8.700.000 цалковай.

Велева сьоротня страховандафневихть аньцек обязательнай (окладной) страхованияса, и црахман тапаф сьоронц инкса сокай ломанц сявсы аньцек питнеть колмоцекс поланц.

Пенза губерняса 1927 киз. црахмантть эзда юмась-арась 1926 кизоть коряс кржа сьорода.

5 кизонь перьф губернясонок среднайота црахманц тапси эрь кизонда 30.000 десятина сьора. Кда путомс 50 пуд эрь десятинати, ито 1.500.000 пуд сьора юмай и сокай ломатня юмафтыхть 650.000 цалковай.

Но страховандафтоньдярясайть видеф сьоротнень эсь воля, эста юмайкст аф улихть. Сяс и эряви мокшонь велева сембя партийнай и лия культурнай вийти азондомс сокай ломатненди, кода арелямс юмамада-арамада синнь видеф сьоросна.

Коза молихть страховкать инкса кочкаф ярмакня.

Сокай ломатнень кяцта страховкань кига кочкаф ярмакнень госстрахсь макссесынь меки эстейст сокай ломатненди сят убыткатнень инкса, конат лисендихть пожархнень, Ц‘рахманонь тапаматнень и жуватань урадоматнень эзда, а лядыксня молихть марстонь кига, марстонь осалхнень мархта тюремати.

1926—27-ця кизоня Пенза губернять эзга кочкафоль окладной страховкада сембоц — 1.300.000 цалковай и меки сокай ломатненди максф разнай осалонь кига 1.085.000 цалк.

Дополнительнай страховкада кочкафоль 442000 цалк., а меки максф — 340000 цалков.

Прибыльхнень эзда пожархнень, жуватань урадоматнень и лия велень осалхнень мархта тюремати максф сокай ломатненди 100.000 цалков.

Но улендихть стама кизот-ка, коста кочкаф ярмакня меки пандомс аф сатыхть. Тяфта, 1924—25 кизоня кочкафоль 694000 цалков., а меки максфоль 1.515.000 цалков. — Кочкафнень коряс 821.000 цалковайда лома.