Важ дор шогсьысь нывлы
Мый тан увган, коді корис,
Мыйла тадзи песан кыв?
Кутшӧм туйвеж тэнӧ сорис,
Висьтав меным, муса ныв?
Оз-ӧ тэнӧ мусмӧм вӧтлы,
Оз-ӧ вӧтлы шудтӧм час;
Муса мортыд сетчис мӧдлы,
Индіс тэныд шоган «пас»?
Гашкӧ пӧдтӧ тэнӧ ылӧг,
Первой питӧ чужтін да,
Син эн чӧвтлы тэ сы вылӧ, —
Йирӧ шургин веськыда?
Гашкӧ ӧні янӧд сёйӧ,
Сьӧлӧм сотчӧ, биын моз;
Ветлан сэті войысь войӧ,
Кывзан — бӧрдӧм кылӧ оз?
Гашкӧ пытшкад быдтас йирӧ,
Батьысь-мамысь полан да,
Сёрни оз ло медым мирын,
Олӧм пуан дзескыда?
Кытчӧ воштін долыд олӧм,
Али воштіс сійӧс мӧд;
Кысянь чужи бӧрдӧм, полӧм,
Вай жӧ, нылӧй, сёрни сет?
— Менӧ некод дзик эз вошты,
Ачым вошті ачымӧс,
Озыр вылӧ босьті-ышті,
Ворсси ассьым сьӧлӧмӧс.
Воши мичлун, воши долыд,
Воши мусук — озыр Вань,
«Октябр» лунсянь менам шогыд,
Ӧла-ӧла, да оз ланьт.
Сэсся лӧньыс эз на лолы,
Сэсянь, быттьӧ, ола вӧт.
Ӧкмыс во нин сы бӧр олі, —
Бур удж вӧчӧм ог на тӧд.
— Ланьт жӧ, нылӧ, важ дор бӧрдны,
Шоган чашка юӧм лёк, —
Асьтӧ щелльӧ не жӧ йӧртны,
Шоган важлысь песны нок.
Восьты синтӧ, югӧр усьӧ...
Тайӧ югӧр — шудаин.
Социализмӧн коді шусьӧ, —
Уджалысьлысь оз ёр син!..
Сылань мунам, сэки выльман,
Сэки вунӧ «озыр Вань»,
Ӧтув мыркны уджӧ зільман,
Аддзан долыд, аддзан гаж.
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
The author died in 1947, so this work is also in the public domain in other countries and areas where the copyright term is the author's life plus 76 years or less (if applicable), or the copyright term is 96 years or less since publication (if applicable).
Public domainPublic domainfalsefalse