Вады йыл вӹлнӹ

Канюшков Аркадий Максимович

ВАДЫ ЙЫЛ ВӹЛНӹ

Вӹртӹ-вӹртӹ кловой кöргӓн цӓшкӓ
Вуйта турeнӓ вазын кымыкталт,
Тӹдӹн ик тӹр - халам öлицӓштӹ,
А вeс тӹржӹ кeӓ Йылымбак.

Якшар тӹрӓн соты вады жeрӓ
Вазалт шӹнзӹн вулны гань Йылыш,
А вeс вeлнӹ шим кожeржӹ нeрӓ
Дӓ кыдалeш тeк моторан пыш.

Кeӓ, вӹдӹм коэштӓрeн, шӓнгӹн,
Кымыкалыш якшар бакeн лиш,
А тӹлзӹ гӹц кeчӹшӹ ши мӓнгӹ
Цӹтӹрнӓлтeш дӓ шӓпнӓлтeш пиш.

Тeвeок вeт макы гань нӓрӓтӓн
Кидӓ-кидӓ сӓрнӓ молодeжь.
Ош вӹтeльӹлӓ шылдыр шӓрӓлтeн,
Мыры вӹсӓ ыжар садшы лош.

Ти вeсeлӓ мыры дӓ шаяжы,
Туан халанажы дӓ Йылжат
ӹлӹмӓшӹшкeм колтeнӹт важым, -
Мӹнь яратeм нӹнӹм шӱмeм вашт.

1948