Булагмæргъ æмæ уæрцц (Гæдиаты)

by Гæдиаты Секъа

Булагмæргъ æмæ уæрцц  (1912)  by Гæдиаты Секъа

Фыст датæ: 1912, Рауагъ аз: 1912. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

БУЛÆМÆРГЪ ÆМÆ УÆРЦЦ

Булæмæргъ загъта уæрццæн:
— Хорз кæй зарын, уый тыххæй
Мæн ахæсты фæдарынц,
Телтæй быд чыргъæдæй
Мæн ракæсын нæ уадзынц.

— Ехх! — загъта бынæй уæрцц. —
Дæ зарæджы аххос у,
Дæ бырынкъыл хæц!
Маргæ дæ кæй нæ кæнынц, уый хорз,
Ахæстоныл хъæц.

 * * *
Хатт зарæг дæр бæззы,
Хатт зарынæй дæр тæрс,
Фадат дын куы уа дзурынæн,
Уæд зæгъынæн дæр бæзз.

---