Бобӧ, бобӧ! Кытчӧ ветлін?...

by Лыткин Георгий Степанович

Бобӧ, бобӧ! Кытчӧ ветлін?
Чожӧ гуӧ ветлі.
Мый сёйин-юин?
Выя нянь сёйи.
Меным колин-ӧ?
Коли.
Кытчӧ пуктін?
Тшегӧс помӧ пукті.
Кӧн нӧ? Абу тай!
Сьӧд пон сёйӧма.
Кӧн нӧ сьӧд понйыс?
Потшӧс костӧ сибдӧма.
Кӧн нӧ потшӧсыс?
Биӧн сотчӧма.
Кӧн нӧ биыс?
Ваӧн кусӧма.
Кӧн нӧ ваыс?
Ӧш жуньгӧма.
Кӧн нӧ ӧшкыс?
Ыбӧ кайӧма.
Кӧн нӧ ыбыс?
Шыр пырӧдӧма.
Кӧн нӧ шырыс?
Налькйӧ шедӧма.
Кӧн нӧ налькйыс?
Черӧн кералӧма.
Кӧн нӧ черыс?
Изйӧн нальӧма.
Кӧн нӧ изйыс?
Петшӧрӧ усьӧма.
Кӧн нӧ петшӧрыс?
Дас кык вӧла-чаня вартӧдӧмаӧсь,
Буш-баш вӧчӧмаӧсь:
Ӧти чиби идзас кока,
Мӧд чиби турун кока,
Коймӧд чиби кӧрт кока,
Нёльӧд чиби пу кока,
Витӧд чиби ...
Квайтӧд чиби клянич кока,
Сизимӧд чиби крусталь кока,
Кӧкъямысӧд чиби ыргӧн кока,
Ӧкмысӧд чиби тыв кӧрт кока,
Дасӧд чиби эзысь кока,
Дас ӧтикӧд чиби зарни кока,
Дас кыкӧд чиби жемчуг кока.
Дас коймӧд?
Сымда вӧлі.