Бобӧй, бобӧй! Кытчӧ ветлін?...
Бобӧй, бобӧй! Кытчӧ ветлін?
Гуӧ ме ветлі.
Мый сёйин-юин?
Выя тупӧсь сёйи.
Меным колин я?
Тэныд коли.
Кытчӧ пуктін?
Потш помас пукті.
Потш помас абу?
Сьӧд пон сёйӧм.
Кытӧн сьӧд понйыс?
Сю ёг вылӧ водӧм.
Кытӧн сю ёгыс.
Биӧн сотчӧм.
Кытӧн биыс?
Ваӧн кусӧм.
Кытӧн ваыс?
Ӧшка юӧм.
Кытӧн ӧшкаыс?
Луд вылӧ мунӧм.
Кытӧн лудыс?
Шыр пырӧдӧм.
Кытӧн шырыс?
Налькйӧ шедӧм.
Кытӧн налькйыс?
Лёк черӧн керасьӧм.
Кытӧн лёк черыс?
Лёк зудйӧн лямсьӧм.
Кытӧн лёк зудйыс?
Пывсян гор вылӧ чапкысьӧм.
Кытӧм пывсян гор вылыс?
Пывсян биӧн сотчӧм.
Кытӧн пывсян биыс?
Пывсян ваӧн кусӧм.
Кытӧн пывсян ваыс?
Енӧшка юӧм.
Кытӧн енӧшкаыс?
Ен ордӧ кайӧм.
|
This work was published before January 1, 1929, and is in the public domain worldwide because the author died at least 100 years ago. |