0%

Бишенсе миҙгел. Тамара Искәндәриә

From Wikisource
Jump to navigation Jump to search
Бишенсе миҙгел (Шиғыр)
автор Тамара Искәндәриә


Бишенсе миҙгел


Белһәң икән,
Мөхәббәттең
Нисә икән миҙгеле?
Дүртәү генә түгеллеге
Миңә инде билгеле.

Гүйә, аңым үрҙәрендә
Һауалар тимгел, тимгел –
Үтә күренмәле юлдан
Килә бишенсе миҙгел.

Йәшәйештең асылдары
Асыла был миҙгелдә.
Донъя ҡапыл аңлайышлы,
Аңлайышлы түгел дә.

Беръюлы һин
Хан да, ҡол да –
Ҡан юҡ, ҡон юҡ уйыңда.
Наҙға сарсау,
Наҙға сәсәү –
Мәхәббәтең туйында.

Ҡыш сафлығы,
Яҙ шауҡымы,
Йәй монары,
Көҙ йәме...
Татлыраҡ та, танһығыраҡ
Бишенсе миҙгел тәме.
Ҡәҙерҙәрен бел, йәме.