Беҙ тыуған ер(шиғыр).Ғ.Ғәлиәскәрова

Беҙ тыуған ер(шиғыр). Ғ.Ғәлиәскәрова (Шиғыр ) автор Ғ.Ғәлиәскәрова

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Беҙ тыуған ер

 Беҙ тыуған ер алыҫ түгел,
 Бында, яҡында ғына:
 Тауҙар үткәс, йылға кискәс,
 Урман артында ғына.
Итәгендә еләк бешә —
 Ҡар-боҙло түгел тауҙар.
 Түбәһенә үрләр өсөн
 Кәрәкмәй оҙон бауҙар.
 Филдәр, юлбарыҫтар түгел,
 Айыуҙар ҙа юҡ хатта.
 Төлкө йә ҡуян тап булыр,
 Урмандан уҙған саҡта.
Йылғабыҙҙа крокодил юҡ,
 йәшәмәй йәйен, суртан.
 Әммә ҡармаҡ һала белһәң,
 Буласаҡ тәмле һурпаң.
 Алыҫ булһа, яҡын итеп
 Килегеҙ беҙҙең яҡҡа.
 Машинала, самолётта
 Йәки ултырып атҡа!

1996 йыл

---