Берҙәм ғаилә. Гүзәл Ситдиҡова

From Wikisource
Jump to navigation Jump to search

Берҙәм ғаилә




Гөрләп тора өйөбөҙ,
Беҙ күмәкбеҙ, татыубыҙ,
Атай, әсәй, олатай,
Дүрт малай ҙа алты ҡыҙ.
Аҙбар тулы мал-тыуар,
Баҡса тулы йәшелсә,
Ялҡауланып тормайбыҙ,
Һәр кем эш белеп үҫә.
Хәрәкәттә- бәрәкәт,
Емешһеҙ ҡалмай хеҙмәт,
Эшләһәң, Аллаһ бирә,
Табын тулы һый-ниғмәт.
- Күршеләргә хөрмәтле,
Кешеләргә хөрмәтле,
Булығыҙ, - ти, - олатай, -
 Беҙ - Мөхәммәт өммәте!


2012


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.