Беләкме, белемме? Гүзәл Ситдиҡова

From Wikisource
Jump to navigation Jump to search

Беләкме, белемме?


Дуҫтарым күп, бик күп минең,
Көтөп кенә алалар,
Өйгә эште күсерт тиеп
Шундуҡ хәбәр һалалар.
Күсертәм инде, нишләйһең,
Тос Ирмәктең йоҙроғо,
Ә Вәдүт ошо Ирмәктең
Йән дуҫы – иң тоғроһо.
Хәбирҙең дә ағаһы бар,
Яҡлай гел-гел ҡустыһын,
Елкәлә татығаным бар –
Алдамайым остоғон.
Рәхәдилдең теле әсе,
Әҙер генә көлөргә,
Мөмкин уның мыҫҡылынан
Ғәрлегеңдән үлергә.
Йоҙроҡ менән улар мине
Йыға ала, әлбиттә.
Ә мин меңде белем менән
Йығыр мәлемде көтәм.


2012


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.