Безбородов М. И. Сочиненият 1-це томсь (1939)/Эрма

From Wikisource
Jump to navigation Jump to search
Сочиненият 1-це томсь  (1939)  by Безбородов, Михаил Ильич
Эрма
Михаил Безбородов. Сочиненият. Васенце томсь. — Мордовскяй государственнай издательствась. Саранск, 1939.

[ 72 ]

ЭРМА


Декабрь ков.
Тя ковонь ветне
Седис ласькфты
Кельмот, якшапт.
Эрьмань тулупть
Петьксонц[1] лешне
Тиезь стане,
Бта акшептф.
Якшамсь вирьса
Кяжда лазы,
Шуфттнень эса
Кайги гайфса.
Эрмань щека
Прянза мазыхть,
Мазы ведьса
Якшамсь штайсна.
Ве.
Тяшттне оржа сельмот,
Ваныхть Эрмань,
Кона сонцьке
Ваны капат.
Эрма кельмось...
Танцти онцьке
Эрмань эса
Люпштай, тапай...
Но аф матсак
Комсомолец Эрмать.
Конань лафтус

[ 73 ]

Берданкась лапотьф.
Лятфни:— мярьксь вдь
Фермать завоц:
„Тоса ляцкас...
Пряняцень тят чапотьфть.”
— Пели инксон,
Ну, и арьсесь!
Кали врагть
Мон нолдан тяза!
Тишесь кинне?
Минцень, марстонь,
Конань монць
И лядень и урядань.—
Якай. Ваны:
Бта тифтедсь
Равжа пакшке
Порать ширес.
— Эх, тя няймок
„Инжи лифти!”
„Но”—
Цють кулевсь
Эрмань пилес.
Няйсы кода
Равжось шаштсь...
Вов ни ащи
Капать фтала.
Эрма тулуп
Полхнень штафтсь,
Кельме ложать
Путсь шаманц малас.
— Стой! тя кие?
Тяса кие!
Ляцян!
Шафте, пине, куломс!
„Норак, Эрма,
Тя аф лия...”
Тарнась „инжись”

[ 74 ]

Эвотьф нумолкс.
— Тя тон?
Тон, кона
Сембе кизоть
Удозь йотафтсь?!
Тя тон,
Колхозонь нолась?..
Тяфта „инжить”
Эрма потафтсь.
— Кизонда тон
Кода покать?!
Тяни йорат
Салазь андомс
Траксцень! Марстонь
Тишеть токамс?
Сави колгат
Ков эряви азомс...
* * *
Тяфтапт ульсть
И нинге улихть,
Конат эськядь
Йорайхть сявомс.
Но трудти
Пилесна аф кулихть,
Хоть и ули
Мезе эздост няемс.
Но улихть
И пяк лама
Эрмат,
Конат тюрихть
Колхозть инкса;
Оцю мяльса кярьмодсть,
И шить,
И тялонь ветнень
Пингста.

  1. Тулуп петькс — тя миньцонок мяргихть апушкати.