Безбородов М. И. Сочиненият 1-це томсь (1939)/Илять сьоксенда

by Безбородов, Михаил Ильич

←Вирьти

Сочиненият 1-це томсь  (1939)  by Безбородов, Михаил Ильич Илять сьоксенда

Тракторсь→

Михаил Безбородов. Сочиненият, Васенце томсь. Мордовскяй Государственнай Издательствась. Саранск, 1939

[ 35 ]

ИЛЯТЬ СЬОКСЕНДА

Сьоксенда илять
Ульцяв лисеньдихть
Стирьхне, цьоратне,
Пяшкодьсазь велеть
Мокшень мороса,
Тя одломаттне.

‎Вельхксста лангозост
‎Рахазь ванонды
‎Лофта шама ковсь.
‎Пиндолгоды тяштсь
‎Шовда менельста —
‎Юмай кати ков.

Якшамот шитне,
Увайхть пинетне —
Велень ваныхне,
Кули пилетне;
Вишкста крнахть
Сиретне удыхне.

‎Кувака вети
‎Кудса удыхне
‎Няихть он.
‎Тя пингова
‎Веле пеняти
‎Морафтома кудс
‎Ласькан мон.

Газета сяван,
Кувать морафтан
Пара мяльняса.

[ 36 ]

Сяльде стирьхненди
Морон моронят
Мокшень кяльняса.

‎Тяфта йотцекшнихть
‎Сьоксень иляттне
‎Мокша веленяса.
‎Эх, лама думнят
‎Шарыхть сьоксенда
‎Оттнень мяльняса.

1929 к.

---