Безбородов М. И. Сочиненият 1-це томсь (1939)/Вирь

by Безбородов, Михаил Ильич

←Шнасть Майть Васенце шинц

Сочиненият 1-це томсь  (1939)  by Безбородов, Михаил Ильич Вирь

Вирьти→

Михаил Безбородов. Сочиненият, Васенце томсь. Мордовскяй Государственнай Издательствась. Саранск, 1939

[ 32 ]

ВИРЬ

Кизонда, вирьняй,
Пиже лопаняй,
Пси мани шиня
Шида кяшиняй,
Яксян потмоват,
Шуфттнень йоткова,
А пингонь-пингонь
Ляйга, лоткова.
Кулхцондан эсот,
Кода тон увнат,
Тифтень лопаня
Модати прафнят.
Мастору лопась
Либорьдезь шарозь прай:
„Вай, курок сьоксесь
Якшамть мархта сай...”
— Тяфта кашторды
Праф лопанясь,
Алга шаштомста
Сединь токайнясь.
Седись токави...
Марят пилеса,
Кода нармоттне
Морайхть келеса.

1928 к.

---