Бауырһаҡ(шиғыр). Тамара Ғәниева

Бауырһаҡ ( шиғыр ) автор Тамара Ғәниева

.Нәшер ителгән: 1993 йыл. Сығанаҡ: "Ҡондоҙ ҡойроғо ".-Өфө"Китап ",1993 йыл

Бауырһаҡ

 Ун йомортҡа һыт та, иләп, он ҡуш,
 Бер стакан аҡ май иретеп һал.
 һеркә ҡушҡан семтем сода өҫтә,
 Балғалаҡ тоҙ. Ҡамыр яһа шунан.
 йә булдымы? Ваҡ-ваҡ киҫкелә лә
 Тәгәрләтеп яһа оҙонса бау.
 Борсаҡ-борсаҡ уны ҡырҡҡылап сыҡ,
 Үткер бысаҡ менән йәтеш турау!
 Ҡыҙған майҙа шыжлап бешкәнендә
 һөҙгө менән бутап, болғатып тор.
 Ашыҡтырма! Бауырһағың алһыу
 Төҫкә инһә, табын үтә матур.
 Баллап өйөп ҡуйһаң, сәк-сәк була,
 Ҡалай иткәндә лә ҡотло-затлы.
 Юҡҡамы ни, туйҙың иң зиннәтле
 Күстәнәсе, тиҙәр бауырһаҡты.

 

1993 йыл

---